Më e rëndësishmja
Serbët militantë kanë bllokuar të dielën me barrikada rrugët hyrëse në dy pika kufitare nga Kosova në Serbi.
Arsyeja ndoshta ishte pakënaqësia me një rregullore të re të planifikuar për hyrje në shtetin fqinj.
Gjatë natës Prishtina dorëzohet.
Pas tensioneve në veri të Kosovës pranë kufirit me Serbinë, Prishtina është zotuar të shtyjë një masë të diskutueshme për kontrollet e planifikuara kufitare për momentin. Në bashkëpunim me aleatët ndërkombëtarë, qeveria premton se do të pezullojë zbatimin e masave për 30 ditë, ka thënë kryeministri Albin Kurti në Twitter të hënën mbrëma. Parakusht është që të gjitha barrikadat të hiqen dhe të rivendoset liria e plotë e lëvizjes.
Kosova fajëson Beogradin për "akte agresive".
Qeveria dënoi “bllokimin e rrugëve në veri të Kosovës” dhe të shtënat me armë nga persona të armatosur, thuhet në një deklaratë. Prishtina fajësoi Beogradin për "veprime agresive" gjatë pasdites dhe mbrëmjes.
Serbët militantë ngritën barrikada të dielën në veriun e Kosovës të populluar kryesisht nga serbët. Persona të panjohur kanë shtënë në drejtim të policëve kosovarë, por askush nuk është lënduar, ka thënë policia e Prishtinës të dielën vonë në mbrëmje.
Autoritetet nuk i njohin më dokumentet personale serbe
Tensionet u ngritën për shkak se autoritetet kosovare nuk donin të njihnin më dokumentet e identitetit serb në pikat kufitare nga kjo e hënë (00:00). Serbët me letra të tilla duhet të kenë një dokument provizor të lëshuar në kufi. Sipas interpretimit kosovar, kjo është një masë e bazuar në reciprocitet. Qytetarët e Kosovës tash e një kohë të gjatë duhet të kenë një dokument provizor kur kalojnë kufirin për në Serbi, sepse autoritetet serbe nuk i njohin dokumentet kosovare. Për më tepër, rregullat e reja duhet të zbatohen për targat e pronarëve të makinave.
Kurti dhe lidershipi politik kanë mbajtur kontakte me përfaqësuesit amerikanë dhe evropianë dhe kanë premtuar se do të shtyjnë fillimin e masave të planifikuara në trafikun kufitar për 1 shtator, thuhet në komunikatën e qeverisë. Shefi i politikës së jashtme të BE-së, Josep Borrell dhe ambasadori i SHBA-së në Kosovë, Jeff Hovenier, ishin shprehur më parë në favor të një shtyrjeje.
Borrell pret që "të gjitha bllokimet të hiqen menjëherë"
Borrell përshëndeti shtyrjen e masave të hënën mbrëma. “Presim që të gjitha blloqet të hiqen menjëherë”, shkroi ai në Twitter. Problemet e pazgjidhura duhet të zgjidhen përmes një dialogu të ndërmjetësuar nga BE-ja. Normalizimi i marrëdhënieve ndërmjet Kosovës dhe Serbisë është thelbësor për rrugën e tyre drejt Bashkimit Evropian.
Situata e sigurisë në veri të Kosovës ishte e tensionuar, njoftoi të dielën në mbrëmje misioni i NATO-s KFOR. Ai po monitoron situatën nga afër dhe, sipas mandatit të tyre, është “i gatshëm të ndërhyjë nëse kërcënohet stabiliteti.” Misioni i udhëhequr nga NATO fokusohet çdo ditë në garantimin e një mjedisi të sigurt dhe lirinë e lëvizjes për të gjithë njerëzit në Kosovë.
Rusia përfshihet dhe akuzon Kosovën për “provokime”.
Ndërkohë, Rusia, e cila konsiderohet si aleate e Serbisë, akuzoi Kosovën për “provokime”. Zëdhënësja e Ministrisë së Jashtme në Moskë, Maria Zakharova, tha gjithashtu, sipas një deklarate të së dielës në mbrëmje: "Një zhvillim i tillë i ngjarjeve është dëshmi e mëtejshme e dështimit të misionit ndërmjetësues të Bashkimit Evropian." Në të kaluarën, Rusia gjoja u ka drejtuar në mënyrë të përsëritur shteteve evropiane akuzua për vite të tëra ndërmjetësimi të pasuksesshëm në lidhje me Ukrainën dhe ka justifikuar luftën e tij të agresionit, kundër vendit fqinj që filloi në fund të shkurtit në këtë kontekst.
Serbët militantë bllokuan të dielën me barrikada rrugët hyrëse në dy pika kufitare me Serbinë. Kosova, tashmë e banuar pothuajse ekskluzivisht me shqiptarë, dikur i përkiste Serbisë. Në vitin 2008 u shpall e pavarur. Serbia nuk e njeh shtetësinë e Kosovës dhe pretendon për vete territorin e saj. Bundeswehr-i gjithashtu është vendosur në Kosovë që nga viti 1999 si pjesë e misionit ndërkombëtar./Focus
Nga Gjermanishtja Sherif Ramabaja
