Reagimi i parë nga VV pas deklaratës së SHBA-së: Ngushëllime atyre që janë mërzitshëm që s’po bahet Zajednica!

Aktuale

Reagimi i parë nga VV pas deklaratës së SHBA-së: Ngushëllime atyre që janë mërzitshëm që s’po bahet Zajednica!

Nga: A.ZH Më: 5 gusht 2022 Në ora: 17:32
Dimal Basha

Deputeti i Lëvizjes Vetëvendosje Dimal Basha, ka reaguar pas deklaratës së të dërguarit të Posaçëm të Shteteve të Bashkuara për Ballkanin Perëndimor, Gabriel Escobar, se krijimi i Asociacionit, nuk duhet të jetë në kundërshtim me Kushtetutën e Kosovës, dhe të krijojë “shtet brenda shtetit”.

Basha ka thënë se amerikanët nuk e duan një Kosovë jofunksionale, pasi Asociacioni e krijon një Bosnje të dytë në Kosovë.

Ai u ka shprehur “ngushëllime atyre që janë mërzitshëm që s’po bahet Zajednica!”, përcjell Bota sot.

Reagimi i deputetit të VV-së në Facebook:

Amerikanët veç kërkojnë me i bind që diçka nuk bën, e kur e sheh që Zajednica që e kanë nënshkru ata hajgerexhitë e krijon një Bosnje të dytë, normal që as amerikanët nuk e duan një Kosovë jofunksionale!

Për 16 muaj ka ndryshu për 360 shkallë politika e jashtme:

Amerikanët deklarohen kundër Zajednicës me kompetenca ekzekutive!

Për herë të parë stikersa për automjetet me targa të Serbisë!

Amerika dhe BE deklarohen që Kosova është në të drejtën e saj me ushtru reciprocitet!

Nuk lejohet mbajtja e referendumit të Serbisë në Kosovë!

Nuk lejohen zgjedhjet e Serbisë në Kosovë!

Të gjitha raportet ndërkombëtare për vendin janë pozitiv në vlerësimin e qeverisjes se mirë dhe luftën kundër krimit e korrupsionit!

Të vetmit të pakënaqur me politikën e jashtme janë Vuqiçi, Lista Serbe dhe opozita. Ngushëllime atyre që janë mërzitshëm që s’po bahet Zajednica!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat