​Kurti takoi përfaqësuesit e FSSHK-së, diskutojnë përmirësimin e pozitës së punonjësve shëndetësorë

Aktuale

​Kurti takoi përfaqësuesit e FSSHK-së, diskutojnë përmirësimin e pozitës së punonjësve shëndetësorë

Më: 9 gusht 2022 Në ora: 19:09
Foto ilustrim nga vendi i ngjarjes

Kryeministri Albin Kurti ka pritur sot në takim përfaqësuesve të Federatës së Sindikatave të Shëndetësisë së Kosovës, me të cilët ka biseduar mbi bashkëpunimin në përmirësimin e pozicionit të punonjësve shëndetësorë përmes dialogut social.

Në takimin e përbashkët ku morën pjesë edhe ministri i Shëndetësisë, Rifat Latifi dhe zëvendësministrja Dafina Gexha Bunjaku, u theksua përkrahja dhe gatishmëria e Qeverisë për thellim dhe zgjerim të bashkëpunimit me FSSHK-në

Kryetarja e FSSHK-së, Tevide Imeri ka theksuar se FSSHK-ja mbetet e përkushtuar për mbrojtjen e punonjësve shëndetësorë, duke përkrahur punëtorët e përkushtuar dhe profesionistë.

Përfaqësuesit e FSSHK-së e njoftuan kryeministrin me sfidat të cilat përballen profesionistët shëndetësorë në punën e përditshme.

Në këtë takim u dakorduan që komunikimi do të jetë i vazhdueshëm, me qëllim të ngritjes së nivelit të shërbimeve shëndetësore dhe sigurimit të punës me dinjitet për profesionistët shëndetësorë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat