​Osmani përkujton masakrën në Abri: Valon Deliu ishte vetëm dy vjeç

Aktuale

​Osmani përkujton masakrën në Abri: Valon Deliu ishte vetëm dy vjeç

Më: 26 shtator 2022 Në ora: 21:51
Vjosa Osmani

Presidentja e Kosovës Vjosa Osmani ka përkujtuar sot masakrën e tmerrshme në Abri të Epërme 24 vjet më parë nga forcat kriminale serbe. Në mesin e viktimave të pafajshme shqiptare ishte edhe Valmir Deliu, i cili ishte vetëm dy vjeç.

Në një postim në Facebook, e para e vendit ka thënë se Valmir Deliu ishte një fëmijë i vogël me vdekje të madhe.

Valmir Deliut, 2-vjeç, e plot fëmijëve të tjerë, ëndrrat e fëmijërisë iu prenë sapo filluan rrugëtimin jetësor. Me biberon në gojë, Valmiri u bë viktimë e gjenocidit serb më 1998, së bashku me gra, fëmijë e pleq të familjes Deliu të masakruar nga forcat serbe”, ka shkruar Osmani.

Ajo ka theksuar se krimet në Abri janë dëshmi e gjenocidit që shteti i Serbisë ka kryer në Kosovë.

“Në 24-vjetorin e masakrës në Abri, i kujtojmë të gjithë të masakruarit dhe do ta themi kudo e kurdo se Serbia kreu gjenocid në Kosovë. Relativizimi i krimeve të Serbisë është përpjekje për ndryshim të historisë. Valmiri i vogël dhe të gjithë fëmijët e masakruar nga regjimi serb, na e bëjnë dhimbjen dhe kurajën e madhe që akterët t'i nxjerrim para drejtësisë për gjenocidin e kryer ndaj popullit shqiptar", ka theksuar ajo.

Më 26 shtator 1998, në Abri të Epërme, forcat serbe kryen një nga masakrat më të tmerrshme gjatë luftës në Kosovë. Atë ditë u masakruan 23 anëtarë të familjes Deliu, në mesin e tyre gra, fëmijë e pleq.

Pas sulmit u zbulua, se të gjitha viktimat, fëmijë, pleq, gra e të rinj, ishin qëlluar në kokë nga afërsia. Trupat e të ekzekutuarve tregonin dëshmi të qarta të një kasaphane.

Postimi i plotë:

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat