Pas vrasjes së mësueses, reagon ashpër kolegia e saj: Futne dënimin me vdekje se na vratë të gjitha femrat

Aktuale

Pas vrasjes së mësueses, reagon ashpër kolegia e saj: Futne dënimin me vdekje se na vratë të gjitha femrat

Nga: H.O. Më: 26 nëntor 2022 Në ora: 20:17
63 vjeçarja e vrarë me sëpatë dhe burri i saj që dyshohet se e vrau

Vrasja e ditës së djeshme, kur një burrë në Prishtinë ka vrarë me sëpatë bashkëshorten e tij, ka tronditur gjithë qytetarët. Autori pasi kishte kryer krimin ishte vetëdorëzuar në polici për të raportuar për rastin.

Ndaj këtij rasti kanë reaguar institucionet e krerët më të lartë të politikës në vend.

Por edhe një kolege e saj, mësuse nga një shkollë tjetër, Merita Balaj ka reaguar për këtë vrasje të rëndë.

Ajo madje ka një kërkesë nga shteti, të fus në ligjet e tij dënimi me vdekje, sepse sipas saj po i vrasin të gjitha femrat.

Postimi i plotë i saj:

Të gjtha mësueset dhe femrat e kemi emrin Sadie! Ti sot na vrave të gjithave !

A e dini cili është motivi i vrasjes së Mësueses Sadie dhe i shumë e shumë femrave ?!!!

   Mungesa e ligjit dhe e dënimit me vdekje!

Do pyesni : PSE?!

  Sepse burrat e çmendur janë qyqarë e frikacakë dhe vetëm frika nga ekzekutimi i ndalon ata !

Nuk është trimëri të vrasësh gruan, e cila të shërbeu tërë jetën, të vrasësh të dashurën, e cila është me ty sepse të do, të vrasësh motren,……vajzën!

Futne dënimin me vdekje se na vratë të gjitha femrat, o shtet kriminel, o pushtet injorant, o ligji më i lodhtë ne planet, se dikur njerëzia lodhen dhe duhet vet me e ba ligjin !

Pusho në paqe Mësuese Sadije, se zakonisht vriten femrat e ndergjegjshme, do mbetesh në kujtesën e nxënësve dhe kolegëve nder breza!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat