Abdixhiku për Kurtin: Shteti i udhëhequr nga ai, ka rënë në çdo drejtim

Aktuale

Abdixhiku për Kurtin: Shteti i udhëhequr nga ai, ka rënë në çdo drejtim

Nga: M.L. Më: 1 dhjetor 2022 Në ora: 11:51
Albin Kurti dhe Lumir Abdixhiku

Kryetari i Lidhjes Demokratike të Kosovës, Lumir Abdixhiku ka thënë se kryeministri Albin Kurti, në reagimin e tij për vrasjen e gruas shtatzënë foli më shumë si analist e opozitar se sa që mori e kërkoi përgjegjësi institucionale.

Abdixhiku me këtë rast kujtoi faktin që shteti nuk ka prokuror tash e një vit, ndërsa kryeministri ua ka zbritur pagat gjithë sistemit të drejtësisë.

Ai ka kërkuar nga Kurti që të kërkojë përgjegjësi, të marr masa e të veprojë.

Postimi i plotë:

Kryeministri na flet si analist e si opozitar.

Ende nuk e kupton që është udhëheqës i shtetit.

Nëse do shërbime më të mira spitalore – dhe siguri brenda spitaleve tona – të mos presë mbi 100 ditë për të vënë një ministër të shëndetësisë. Të tretin në më pak se dy vite qeveri.

Po të donte rend e ligj, nuk do ta linte shtetin pa Kryeprokuror tash e një vit e nuk do t’ia zbriste pagat gjithë sistemit të drejtësisë, për të shkaktuar kaos aty.

Një sistem i tërë drejtësie është në greve; mbi 500 lëndë në ditë shtyhen si pasojë e kësaj përplasjeje të panevojshme.

Nëse do përgjegjësi, le të merret me ministrin e Brendshëm të tij dhe gjithë zinxhirin komandues, të cilin vetë e ka caktuar ai – nga Drejtori i Policisë e poshtë.

Një grua shtatzënë kishte urdhër mbrojtje. Shteti i udhëhequr nga ai, ka rënë në çdo drejtim.

Përgjegjësi kërko Kryeministër! Merr masa, vepro.

Për atë punë je aty.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat