Qeveria tregon pse disa studentë nuk i kanë marrë ende shtesat

Aktuale

Qeveria tregon pse disa studentë nuk i kanë marrë ende shtesat

Më: 3 dhjetor 2022 Në ora: 19:53
Foto ilustrim

Disa studentë janë ankuar se ende nuk i kanë marrë shtesat, sipas vendimit të Qeverisë. 

Por zëdhënësi i Qeverisë së Kosovës, Përparim Kryeziu, në një përgjigje për median ka thënë se Komisioni Zbatues është duke e vazhduar punën. 

“Javën që lamë pas janë proceduar pagesat për grupin e parë të studentëve. Komisioni Zbatues është duke vazhduar punën për verifikimin e aplikimeve të pranuara”, ka thënë Kryeziu. 

Ekzekutivi përmes paketave ndihmëse ka targetuar edhe pensionistët, poqë disa prej tyre e kanë keqkuptuar vendimin, duke menduar që do t’i marrin për tre muaj radhazi. 

Në fund të shtatorit të këtij viti, Kryeministri Albin Kurti dhe Ministri i Financave, Punës dhe Transfereve, Hekuran Murati, dolën në konferencë të përbashkët për të prezantuar masa të reja në kuadër të Pakos Ekonomike për përballje me inflacionin. 

Me këto masa përfshihej subvencionimi i faturës së energjisë elektrike për ata që kursejnë rrymën, subvencionim prej 50 për qind të rritjes së pagës për punëtorët e sektorit privat që marrin pagë deri në 1 mijë euro, ndarja e shtesave për punonjësit që kanë pagë deri në 1 mijë euro në ndërmarrjet publike, si dhe shtesa për pensionistët, familjet me asistencë dhe studentët. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat