Kryeministri i Shqipërisë, Edi Rama ka vazhduar me komente lidhur me raportet Kosovë-Serbi, derisa ka përmendur edhe kërkimfaljen.
“Kërkimfalja e Serbisë ndaj Kosovës duhet të vijë në fund e jo në fillim”.
E për këtë ka reaguar profesori Enver Bytyçi, i cili kundërshtoi Ramën, përcjell "Bota sot".
Sipas tij, Rama do të thotë që Serbia duhet të kërkojë ndjesë mbasi ta ketë aneksuar veriun e Kosovës, pasi që nuk ka kuptim tjetër kjo që thotë kryeministri shqiptar.
Postimi i plotë
D.m.th Serbia duhet të kërkojë ndjesë mbasi ta ketë aneksuar veriun e Kosovës?! Nuk ka asnjë kuptim tjetër kjo deklaratë e Edi Ramës. Sepse kërkim-falja në fillim të bisedimeve rrezikon Serbinë. Pas faljes ajo nuk mund të kërkojë pjesë në Kosovë, aq më pak të diktojë!