Deputeti i Partisë Demokratike të Kosovës, Rashit Qalaj, ka komentuar zërat për një tentativë të mundshme nga kryeministri i dorëhequr Albin Kurti për të joshur deputetë të PDK-së.
“Nuk kam ndonjë informacion që ka pasur ndonjë tentativë. Për të qenë i sinqertë, jam në marrëdhënie shumë të mira me të gjithë deputetët e PDK-së, por nuk kam ndonjë të dhënë që z.Kurti ka tentuar të josh ndonjërin prej tyre. Ndoshta ka tentuar, nuk e di, por e ka të kotë”, tha Qalaj.
Ai theksoi se grupi parlamentar i PDK-së nuk do të bëjë asnjë lëvizje.
“Të gjithë deputetët e PDK-së, absolutisht të gjithë, pa asnjë përjashtim, nuk do të bëjnë asnjë lëvizje jashtë”, shtoi Qalaj.
