Haxhiu për letrën e LDK-së: E papranueshme, ka tendencë që vullneti i popullit të injorohet

Aktuale

Haxhiu për letrën e LDK-së: E papranueshme, ka tendencë që vullneti i popullit të injorohet

Më: 7 maj 2025 Në ora: 11:27
Deputetja e betuar e VV-së, Albulena Haxhiu

Deputetja e betuar e VV-së, Albulena Haxhiu, njëkohësisht kandidate e kësaj partie për Kryetare të Kuvendit, e ka komentuar letrën e dërguar nga LDK-ja drejt Albin Kurtit.

Ajo tha se propozimi është i papranueshëm.

“E papranueshme që të injorohet vullneti i qytetarëve, ne nuk kemi pasur zgjedhje para 2-3 vjetësh por para 3 muajve. Ka tendencë të hapur që vullneti i popullit të injorohet”, tha ajo.

Tutje, Haxhiu tha se ende mungon vullneti i opozitës për të dhënë kontributin që të konstituohet kuvendi.

“Për mua është i paqartë pozicioni i tyre që fare nuk marrin pjesë në votimin për komisionin. Është votim demokratik për shumë pozicione. Urojmë që të reflektojnë”, tha Haxhiu.

comment Për komente lëvizni më poshtë
Sot mund të lexoni Shfletoni kopertinat