Kurti njofton se Faton Peci do të jetë kandidat për kryetar të Mitrovicës së jugut

Aktuale

Kurti njofton se Faton Peci do të jetë kandidat për kryetar të Mitrovicës së jugut

Më: 26 qershor 2025 Në ora: 20:32
Faton Peci dhe Albin Kurti

Ministri në detyrë i Bujqësisë, Faton Peci do të jetë kandidati i koalicionit LVV, Guxo dhe Alternativa për kryetar të Mitrovicës së jugut në zgjedhjet lokale që do të mbahen në tetor të këtij viti.

Këtë e ka bërë të ditur kryeministri në detyrë, njëherit kryetari i LVV-së, Albin Kurti.

“Të gjithë e njohin si ministri më i suksesshëm i Bujqësisë. Bashkëpunëtor shembullor në koalicionin tonë qeverisës, ministër i jashtëzakonshëm në qeverisje, Faton Peci, bashkëkryetari i Partisë Guxo është i nominuar për kandidat për kryetar të Komunës së Mitrovicës së jugut në zgjedhjet e 12 tetorit dhe e ka mbështetjen tonë të plotë. 

Fatoni e donë shumë Mitrovicën e tij, e ai i duhet Mitrovicës sonë. Sot është ministër në detyrë. Në vjeshtë, Faton Peci do të jetë kryetar në krye të detyrës”, ka shkruar Kurti.

comment Për komente lëvizni më poshtë
Sot mund të lexoni Shfletoni kopertinat