​Pak interesim për të votuar në njërën nga qendrat e votimit në Skenderaj

Aktuale

​Pak interesim për të votuar në njërën nga qendrat e votimit në Skenderaj

Më: 12 tetor 2025 Në ora: 15:00
Foto ilustrim

Numër i vogël i qytetarëve janë parë duke votuar deri në orën 13:00, në qendrën e votimit "Shaban Jashari", në Skenderaj.

Kryesuesi i kësaj qendre, Fitim Gashi ka thënë se procesi i votimit po shkon shumë mirë.

Gashi: Nuk ka fluks të madh

“Procesi i votimit po shkon shumë mirë, qytetarët po dalin dhe po shprehin vullnetin e tyre politik për katër vitet e ardhshme. Vendvotimet janë hapur me kohë, aspekti teknik është çdo gjë në rregull, nuk ka fluks të madh, nuk ka radhë të gjata në rradhë, këtu janë 5 klasë që votojnë”, tha ai.

Sipas tij, në këtë qendër votimi janë të regjistruar 4202 qytetarë, prej tyre deri në orën 13:00, kanë dal 649 votuesë.

Gashi: Nuk është numër i kënaqshëm

“Numri i kënaqshëm nuk është deri në këtë kohë por shfrytëzojmë rastin t’iu bëjë thirrje qytetarëve që të dalin dhe ta shfrytëzojnë kohën e mbetur që të shprehin vullnetin e tyre”, tha ai, duke besuar se numri i votuesve do të rritet.

comment Për komente lëvizni më poshtë
Sot mund të lexoni Shfletoni kopertinat