Hazir Haziri arrin në Kosovë, pas lirimit nga burgu në Serbi

Aktuale

Hazir Haziri arrin në Kosovë, pas lirimit nga burgu në Serbi

Më: 21 janar 2026 Në ora: 23:46
Avokati Arianit Koci e ka pritur Hazir Hazirin në Mërdare

Hazir Haziri  i cili u arrestua nga Serbia në shtator të vitit të kaluar është liruar sot.

Ai tashmë ka arritur në Kosovë  përmes pikës kufitare në Merdare, ku është pritur nga familjarët e tij.

Ndryshe Hazir Haziri është liruar nga autoritetet e Serbisë, pas mbajtjes në paraburgim prej 08.09.2025, kur ishte arrestuar në pikën kufitare në Merdarë. 

Avokati Arianit Koci e ka pritur Hazirin në Mërdare. Koci ka thënë se asnjë qytetar i pafajshëm nuk guxon të mbetet në burgjet e Serbisë. Për këtë  ka thënë se është angazhuar dhe do të angazhohet sa herë të ketë nevojë.

“Fjalën e dhënë e mbaj. Kam thënë se Hazir Hazirin do ta kthej nga burgu i Serbisë. Sonte, Hazir Haziri është në Kosovë.  Asnjë qytetar i pafajshëm nuk guxon të mbetet në burgjet e Serbisë. Për këtë jam angazhuar dhe për këtë do të angazhohem sa herë të jetë nevoja”, ka thënë Koci.

comment Për komente lëvizni më poshtë
Sot mund të lexoni Shfletoni kopertinat