​Sveçla takohet me Rudolph: Përkushtim në avancimin e projekteve konkrete

Aktuale

​Sveçla takohet me Rudolph: Përkushtim në avancimin e projekteve konkrete

Më: 2 mars 2026 Në ora: 20:57
Foto nga takimi

Ministri i Punëve të Brendshme Xhelal Sveçla ka takuar të hënën ambasadorin e Gjermanisë në Kosovë Rainer Rudolph ku diskutuan mbi rëndësinë e thellimit të mëtejme të bashkëpunimit.

“Gjermania ka mbështetur në çdo kohë vendin tonë dhe institucionet tona dhe ky partneritet do të vazhdojë edhe më tej, në funksion të rendit e ligjit dhe sigurisë së vendit tonë e qytetarëve tanë”, tha Sveçla në një postim në Facebook.

Ai thotë se në takim kanë rikonfirmuar përkushtimin për avancimin e projekteve konkrete në fushën e sigurisë, forcimin e kapaciteteve institucionale dhe koordinimin e vazhdueshëm në adresimin e sfidave të përbashkëta.

Ministri në këtë postim shprehet i bindur për bashkëpunimin ndërmjet institucioneve dhe që ky bashkëpunim do të jap rezultate të prekshme në shërbim të qytetarëve dhe stabilitet afatgjatë në vend.

comment Për komente lëvizni më poshtë
Sot mund të lexoni Shfletoni kopertinat