Osmani: Anëtarësimi në Bordin e Paqes, hap i madh për Kosovën

Aktuale

Osmani: Anëtarësimi në Bordin e Paqes, hap i madh për Kosovën

Më: 24 prill 2026 Në ora: 15:27
Donald Trump, Vjosa Osmani

Ish-presidentja Vjosa Osmani ka reaguar pasi Kuvendi i Kosovës ratifikoi marrëveshjen për për anëtarësimin e Kosovës në Bordin e Paqes.

Ajo e cilësoi këtë  një hap i madh që forcon subjektivitetin ndërkombëtar dhe e vendos Kosovën aty ku e meriton: krah për krah me Amerikën.

“Ishin Tomahawk-ët amerikanë që, në vitin 1999, çanë errësirën dhe ndalën makinerinë gjenocidale serbe mbi popullin tonë. Ishte Amerika ajo që qëndroi në anën e drejtësisë, kur ne kishim më shumë nevojë se kurrë për shpresë dhe shpëtim. Dhe është Amerika përsëri sot, ajo që qëndron përkrah nesh.  Faleminderit SHBA-ve dhe Presidentit Trump për besimin dhe ftesën që të jemi shtet themelues i Bordit të Paqes”, shkruhet tutje në reagimin e saj.

Postimi i plotë:

Kuvendi i Kosovës sot vulosi një moment historik duke ratifikuar marrëveshjen për anëtarësimin e Kosovës në Bordin e Paqes. Është një hap i madh që forcon subjektivitetin tonë ndërkombëtar dhe e vendos Republikën e Kosovës aty ku e meriton: krah për krah me Amerikën dhe në mesin e shteteve që kontribuojnë për paqen globale.

Ishin Tomahawk-ët amerikanë që, në vitin 1999, çanë errësirën dhe ndalën makinerinë gjenocidale serbe mbi popullin tonë. Ishte Amerika ajo që qëndroi në anën e drejtësisë, kur ne kishim më shumë nevojë se kurrë për shpresë dhe shpëtim. Dhe është Amerika përsëri sot, ajo që qëndron përkrah nesh.

Faleminderit SHBA-ve dhe Presidentit Trump për besimin dhe ftesën që të jemi shtet themelues i Bordit të Paqes.

Zoti e bekoftë Kosovën dhe Shtetet e Bashkuara të Amerikës!

comment Për komente lëvizni më poshtë
Sot mund të lexoni Shfletoni kopertinat