Kurti: Çitaku votoi gjithnjë kundër propozimeve të LVV-së, duam emër tjetër
Kryetari I Lëvizjes Vetëvendosje, Albin Kurti po e pret ta takojë kryetarin e Partisë Demokratike të Kosovës, Bedri Hamzën.
Kjo, për t’u marrë vesh se cilin deputet të partisë së këtij të fundit do ta votojë LVV-ja për nënkryetar të Kuvendit, meqë paraprakisht zgjedhja iu pamundësua Vlora Çitakut, për çka PDK e braktisi seancën.
Kurti: Çitaku votoi gjithnjë kundër propozimeve të LVV-së, duam emër tjetër
“Ju e dini që vitin e kaluar Çitaku pat kërkuar që Albulena Haxhiu të tërhiqet, sivjet që Feride Rushiti të tërhiqet, pardje e bojkotoi votimin e Haxhiut për kryetare të kuvendit dhe njëkohësisht ka paralajmëruar bojkotin edhe për presidentin. Kjo është që ne medoemos një deputet të PDK do ta votojmë për nënkryetar, dhe të LDK-së, mirëpo ju I dini aktgjykimet, nuk është e thënë që të jetë emri unik. Uroj që të jenë konstruktiv siç kemi qenë ne vitin e jaluar. Në një takim timin me Hamzën do ta sqaronim se cili deputet do të mund të votohej”, tha Kurti.
Kurti, tha se ky takim është në interesin e Hamzës, meqë sipas tij, është PDK-ja ajo që ka nevojë për votat e LVV-së për zgjedhjen e kandidatit të saj nënkryetar kuvendi, derisa partisë se tij edhe vota kundër i kryen punë për zgjedhjen e presidentit.
Kurti: PDK nuk e merr nënkryetarin pa votën tonë për, ne e zgjedhim presidentin edhe me votën kundër
“Besoj që PDK-ja nuk është dashur ta braktis procesin e konstituimit të Kuvendit, shpresoj që të vjen të dielën, në mënyrë që të bëjmë edhe këtë katër nënkryetarët e tjerë dhe të procedojmë me qeveri e zgjedhje të presidentit. Ritheksoj se duhet të evitojmë zgjedhjet e reja, që janë të panevojshme, të përsëritura e të kushtueshme dhe për këtë ma nevojitet marrëveshja politike. Më vjen keq që kryetari i PDK nuk është përgjigjur për takim, këtë e ka bërë publikisht, por unë mendoj që kemi nevojë për takim. PDK për ta zgjedhur nënkryetarin i nevojiten votat e VV. VV-së për të zgjedhur presidentin i nevojitet mungesa e bojkotit apo madje edhe vota kundër e PDK. Atyre ju nevojitet vota jonë për, neve na kryen punë edhe ajo kumdër”, tha Kurti.
Ani se doli gati I fundit nga ndërtesa e Kuvendit, Kurti nuk u përgjigj nëse do të marrë pjesë në marshin e të shtunës para vendimit final në Hagë. Pyetjes së njëjtë iu shmang edhe në mëngjes duke premtuar do të përgjigjej dikur më vonë gjatë ditës.