Ora mësimore për UÇK-në, Krasniqi reagon: Repriza e seancës kur u votua Gjykata Speciale

Aktuale

Ora mësimore për UÇK-në, Krasniqi reagon: Repriza e seancës kur u votua Gjykata Speciale

Nga: A.M. Më: 15 shtator 2026 Në ora: 20:21
Alban Krasniqi

Komuna e Prishtinës u është drejtuar të gjitha shkollave të kryeqytetit me kërkesën që nesër ora e parë mësimore t’i kushtohet Ushtrisë Çlirimtare të Kosovës, historisë së luftës për çlirim dhe kontributit të çlirimtarëve për lirinë dhe shtetndërtimin e Kosovës.

Kjo kërkesë është komentuar edhe nga zyrtari i Lëvizjes Vetëvendosje, Alban Krasniqi, i cili përmes një postimi në Facebook ka thumbuar vendimin e Komunës së Prishtinës.

Krasniqi ka shkruar se pajtohet që ora e parë t’i kushtohet UÇK-së, por në mënyrë ironike ka propozuar që të mbahen dy orë mësimore.

“Ora dytë: Repriza e seancës parlamentare kur u votua Gjykata Speciale me 3 gusht 2015”, ka shkruar Krasniqi.

Postim i plotë:

Komuna e Prishtinës po thotë: Nesër ora e parë në shkolla të mbahet për UÇK-në. Pajtohem!. Jo një, por dy orë.

Ora parë për UÇK-në dhe Jasharajt

Ora dytë: Repriza e seancës parlamentare kur u votua Gjykata Speciale me 3 gusht 2015.

Sot mund të lexoni Shfletoni kopertinat