Preambula e Kushtetutës së Serbisë dhe Kosova

Amerika

Preambula e Kushtetutës së Serbisë dhe Kosova

Nga: Skënder Karaçica Më: 12 qershor 2021 Në ora: 16:10
Skënder Karaçica

Në qarqet qeveritare të Serbisë po flitet zëshëm se me rastin e ndryshimeve kushtetuese, shteti i Kosovës si realitet i pakthyeshëm, është vendosur në Preambulen e saj si ,,Krahina Autonome e Kosovës,,(sic!).

Për këtë provokim të ri, regjimi i Beogradit në kohën e dialogut me shtetin e Kosovës, ndryshe flet dhe trumbeton për marrëveshje në mes të dy popujve dhe për paqen në Ballkan, e krejt ndryshe po vepron me skenarët e njohur antishqiptar për instrumentalizimin e shtetit të Kosovës.

Në takimet e radhës në Bruksel, qeveria e Kosovës duhet që të kundërshtojë nismën e ,,ndryshimeve kushtetuese,, në Serbi me Preambulen e këtij akti të lartë juridik me shtetin e Kosovës si ,,Krahinë Autonome,,(sic!).

Qendrat e vendosjes BE-SHBA duhet që të ndalojnë provokimet e regjimit në Beograd ndaj shtetit të Kosovës dhe në dritën e dialogut Kosovë-Serbi, të përfundojnë këto bisedime maratonike me njohjen e ndërsjellë të dyja shteteve dhe për paqen dhe të ardhmen e popujve në Ballkanin e trazuar.

Shteti i Kosovës nuk është ,,Krahinë Autonome,,(sic!) e Serbisë!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat