Protesta kundër filmit të propagandës serbe, nga shqiptarët në Nju Jork - Shqiptarët përplasen me regjisorin para kinemasë

Amerika

Protesta kundër filmit të propagandës serbe, nga shqiptarët në Nju Jork - Shqiptarët përplasen me regjisorin para kinemasë

Nga: Beqir Sina Më: 27 tetor 2021 Në ora: 16:06
Foto nga vendi i ngjarjes

NEW YORK CITY: Shfaqja e filmit dokumentar “The Weight of Chains 3”- “Pesha e zinxhirëve 3”, dy vite më parë (6 Tetor 2019) nuk është pritur aspak mirë nga shqiptarët e Amerikës, të cilët për afro dy orë protestuan fuqishëm para kinemas SVA, në qendër të Nju Jorkut.

Dokumentari i cili është realizuar në shtator të vitit 2018, porsa doli në publik nisi me një reagim edhe nga autoritet e Kosovës.

Sipas regjizorit serb, filmi paraqet “mënyra aktuale me të cilat mund të rebelohemi kundër padrejtësive të sistemit në të cilin jetojmë, ka thënë ai .  

Mirëpo faktikisht realizimi  i filimit është mbështetur financiarisht për propogandë nacionaliste serbe, ka thënë qeveria e Kosovës.

Më 6 Tetor 2019,  në mbrëmje, dhjetra forca të policisë njujorkeze,nga NYPD, rrethuan dy anët e rrugës përballë në rrugën 23-Street, në Mahattan – NYC, duke vendosur barrikada dhe bënë thirrje me megafonë për qetësi, në kohen që shfaqej premiera e filmit.

Situata në këtë proteste disa orëshe, nisi të tensionohet, kur një pjestar i stafit të regjisorit serb, arriti të provokojë rëndë shqiptarët.

Ai së bashku me dy të tjerë, gjak/ftohtë,  shpalosi një flamur te nacionalitetit serb para protestuesve shqiptar rrethuar nga barrakidat e vendosura nga policia – në qendër të flamurit, ishte vizatuar harta e Kosovës, me mbishkrimin në gjuhën serbe, me gërma të mëdha “Nema Predalje (Kosovo)” – “Nuk e japim(Kosovën)”.

Ky ishte dhe momenti që çojë deri në atë që bëri të tensionohet situata në rrugën përball hyrjes së kinemas dhe për një moment të dali jashtë kontrollit, 

Megjithse numëri i protestuesve ishte i vogël - zëri i tyre dhe parrullat që hidhnin me thirrjet me megafon ngrisën vëmendjen e qytatarve dhe bënë që të shtoheshin forcat e policisë. Policia rrethojë sheshin para kinemas SVA me dhjtra policë dhe makina të policisë.

Aqsa Policia e NYPD, emerdhi duke e shtuar numërin me forcat e saja, dhe ndërhyri disa herë me megafonë për qetësi protestuesve.

Ajo më pas kërkojë në ndihmë forca të shumta të cilat u vendosën mes dy paleve me barrikada, për ndarjen e grupit të protestuesve shqiptar, nga ai i pjestarve te komunitetit serb, për nga dy hyrja drejt kinemase.

Mbas provokimit me flamurin serb, dhe ngritjen e tre-gishtave nga pjestarët e komunitetit serb, grupi shqiptarëve protesus, që ishin vënë në krye të protestës, Marko Kepi, Gjek Gjonlekaj, Gani Shehu, Mark Gjonaj, Xheladin Zeneli, Ahmet Velaj, Naser Nika, Sabri Gjoni, Agim Gino Selmanaj, dhe Belul Qoku, dhe disa shqiptar të rinjë, nisën të thirrisnin me forcë, dhe shkëmbenin me serbët , her pas here sharje dhe ofendime të forta.

Madje, anëtari i këshillit të Bashkisë, së Nju Jorkut, Mark Gjonaj, disa her bëri thirrje me megaphone, duke ju kundërvënë serbëve me argumentat e viktimave të luftës, dhe kërkojë ndaljen e shfaqjes se filmit.

Shqiptarët, në kor me thirrje të fuqishmec iu kundërpërgjigjen serbeve, vazhdimisht me thirrjet e forta ; “UÇK-UÇK”, “Kosova është Shqipëri!”, “Kosova është Shqipëri,” “Adem Jashari”- “Sërbia, është vrastare,” – “Ju jeni Vrasës-Vrasës,” “ Ju jeni kriminel” Ju jeni Përdhunues -Përdhunues!, Ju jeni Terroristë – Terroristë!, Shame on You – Turp për Ju!”- “Pse nuk kërkoni falje!” “Amerika, është me ne!- Amerika, është me ne!” – Faleminderit Policisë së Nju Jorkut! – “Thank You NYPD”.

Në ndërkohë në një moment tensioni njëri prej protestuesve (Naser Nika nga Ulqini) arriti të çajë kordonin e policisë, dhe u përplas fizkisht me një pjestar të komunitetit serb.

Ky ishte momentu kur ndërhyrnë menjëherë forcat e policisë, dhe e shtrinë ate për tokë, dhe, i vendosën prangat, duke e arrestuar dhe mbajtur disa orë në arrest, deri sa përfundojë protesta, dhe me pas,  u tha se e liruan.

Marko Kepi, Presidenti i organizatës Rrënjet Shqiptare, i cili nëpërmjet rrejeteve sociale e kishte thirrë këtë protestë, komunikojë vazhdimisht me policinë, dhe dha dekelerata për median njujorkeze, ndërsa sqarojë qytetarët dhe zyrtarët e policisë, duke ua treguar edhe arsyen se përse po protestonin shqiptarët.

Protestuesit, shqiptar, sa herë që pjestarët e komunitetit serb, hynin në kinema, hidhnin parrulla me thirrjet “Shame on You” – “Turp për Ju!” dhe këndonin këngë për Kosovën “Oj Kosovë nëna Ime”

Ndërkohë, që disa herë gjatë tensionimit protestuesit shqiptar kanë tentuar të thyejnë barrikadat dhe hyjnë në kinemanë SVA ku po shfaqej filmi dokumentar “The Weight of Chains 3”- “Pesha e zinxhirëve 3”, e regjizorit serb Boris Maguarski, por janë shtyrë me forcë nga policia.

Gjeke Gjonlekaj, i cili qëndronte në krye të protestës, tha se shfaqja e një filmi të till, nuk është aspak serioze : “E gjithë bota e di krimin dhe gjenocidin e tmerrshëm serb ndaj shqiptarve të Kosovës , kryer nga militarët dhe paramilitarët serb gjatë luftës”

“Kjo është komplet propogandë e njëjtë me atë të kohës së luftës në Kosovë, kur Millosheviqi, vrau mijëra shqiptar, ndërsa afro një miljon i largojë me forcë nga shtëpit e tyre, duke ua shkatërruar, djegur dhe ua plaçkitur, ndërsa mijëra gra ata i përdhunuan në Kosovë” , tha ish gazetari i Zërit të Amerikës, Gjek Gjonlekaj.

“Në këtë luftë,’ u thanë ata gazetarve dhe qytetarëve amerikan, “u dëbuan 800,000 shqiptarë nga territoret e tyre, u vranë 15,000 a me shume persona, nga të cilët 2,400 luftëtar të UÇK-së, e të tjerët qytetarë të thjeshtë. Gjatë luftës ne Kosove, janë zhdukur rreth 5,000 njerëz, fati i shumicës prej tyre, nuk është zbardhur deri tani, por i madh ka mbetur edhe numri i rasteve të pasqaruara, per, 15 mijë femra u përdhunuara, te cilat po kerkojne drejtesi,” thanë shqiptarët protestues.

Protesta, e 6 Tetorit 2019 cila zgjati më shumë se dy orë deri edhe me nje përplasje fizike, dhe tensione u mbyll paqesore, kur u larguan shqiptarët nga sheshi përpara kinemas SVA në Manhattan – qytetin e Nju Jorkut.

Image
Image
Image
Image
Image
Image

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat