Televizioni Kultura Shqiptare festoi 24 vjetorin e tij në Nju Jork

Amerika

Televizioni Kultura Shqiptare festoi 24 vjetorin e tij në Nju Jork

Nga: Beqir Sina, New York Më: 16 nëntor 2021 Në ora: 07:04
Foto nga vendi i ngjarjes

Më 13 nëntor ACTV festoi 24 vjetorin e saj me një ceremoni të thjesht, por shumë të këndëshme, e mbajtur të shtunën në mbrëmje në mjediset e shtëpisë së themeluesve të këtij televizioni Familjes Belliu, Adem dhe Mimoza Belliu, koleges tonë Vera Belliu, që ishin dhe mikëpritësit, ata që u kujdesën për festën.

Të pranishëm në këtë festë ishin bashkëpuntorët ndêr vite të televizionit Kultura Shqiptare si : Dalip Greca, Marjana Bulku, Beqir Sina, Olsi Beçi, dhe miqt e këtij televizioni Mark Marnaçaj dhe Drita Gjongecaj.

Por, për arsye objektive mungojë ai që ishte kujdesur për skenën e festës me logon e ACTV - skenografi Andis Gjoni i cili për arsye objektive(aksident trafiku) mungoi në këtë festim. 

Image

Festa e u hap dhe vazhdoi për disa orë me një koktel të bollshëm dhe mikëpritjen e ngrohtë të Adem e Mimoza Belliut, dhe vajzës së tyre Vera Belliut.

Pjesa artistike e festës u shoqërua me disa pjesë klasike, të  luajtura në violinë nga Joana Kaimi, një violiniste spektakolare, një violiniste shumëngjyrëshe e përshtashme edhe për një event të tillë festiv. 

Image

Më këtë rast u shfaq në ekranin e televizionit ACTV, video clipi « Aggeliki » një video e re, kjo me Directed Ilir Rizaj dhe me kameroman Adriatik Berdaku si kinematograf, të cilët edhe folën nëpërmjet intervistës së dhënë në mikrofinin dhe kameran e këtij televizioni .

Themeluesi i këtij televizioni Adem Belliu, nëpërmjet festës nuk mund ti rezistonte vetëm me mikëpritjen e familjes së tij. 

Ai iu kthye nostalgjisë së tij, viteve të bukura të jetës së tij, muzikës. Zgjodhi duke luajtur disa  pjesë për trompë, që i solli në një prezenatim bashkë me disa improvizime  pêr piano interpretuar nga mjeshtri Agim Kola .

Image

Festa e 24 vjetorit mbajtur mbajtur në një atmosferë mëse të këndëshme, u bë edhe më e ngrohtë edhe nga këngët e interpretuara nga çifti Besa & Bashkim Berisha.

Gjatë kësaj ceremonie , e cila në vitet jubilare duhet cekur se është shënuar me mbrëmje të veçanta Gala, u tregua me histori nga themeluesi dhe drejtuesi Adem Belliu dhe ekipi i ACTV  - se çfarë ishte e mundur të arrihet që nga rifillimi në 1997 dhe çfarë është sot Televizioni Kultura Shqiptare.

Mimoza Belliu dhe , producenti i televizionit "Kultura Shqiptare", Adem Belliu,  tha se pavarësisht vështirësive që pati në fillim, televizioni që ai drejton tani po vazhdon me sukses punën e tij, madje ai ka hapur edhe dy studio një në Prishtinë me Arian Melonashi dhe një në Tiranë.

 Mbas tre viteve të televizionit Victoria të vëllezërve Osmani (1992/95) në komunitetin Shqiptar në New York, Televizioni Kultura Shqiptare, u bë pionier në fushën e transmetimeve vizive të komunitetit.

Dhe, për momentin nuk është më vetëm një televizion komunitar, por edhe një « ndërrmarje » televizive me tre studio , New York City, Tiranë dhe Prishtinë, si dhe bashkëpunim me televizionin « Pasqyra » të Ilir Lenës në Toronto Kanada 

Mbas fillimit në kanalin televiziv komunitar Bronx Net, ACTV, sot është pjesë e platëformës më të madhe shqiptare në Amerikë e Kanada TVALB në kanalin 26 në NYC.

Pra,  është pjesë e paketës së TVALB platformës që iu ofron shqiptarve të Amerikës e Kanada 2000 kanale nga e gjithë bota, mbi 240 kanale shqip, 40 kanale sporti dhe filmi si dhe të gjitha kanalet e Tring dhe ArtMotion.

Gjatë afro çerek shekulli , për 24 vjet, sot ACTV është televizioni që bashkon shqiptarët në dy anët e oqeanit, kudo e në çdo cep të botës. Duke u bërë Televizioni i Shqiptarve të Diasporës,: objektiviteti dhe paanshmëria, besueshmëria dhe profesionalizmi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat