Tornadot e tmerrshme që përfshinë Kentucky, Tennessee, Arkansas, Illinois, dhe Missouri në SHBA lanë pasjoa të tmerrshme me dëme në jetë njerëzish por edhe në objekte.
Sipas WYMT, një prej ketyre personave që u dëmtuan rëndë nga katastrofa natyrore është edhe një shqiptar në Amerikë.
Bashkëshorti dhe babai 27-vjeçar, Gentian Emini shpenzoi gjithçka kishte për të ndërtuar shtëpinë e ëndrrave të tij. Por të shtunën, djersa dhe mundimi i tij ikën dëm kur tornado shpërtheu përmes saj.
“Unë në fakt e kam vizatuar vetë planin. Unë jam në fakt nënkontraktor, ndërtues. Sapo u futa në këtë industri. Bleva lotin me para në dorë dhe më pas, ndërsa po punoja me kursimet e mia…mu deshën rreth 6 vjet kursime. Unë kisha ndoshta edhe një muaj për të hyrë në shtëpi dhe tornado shkatërroi gjithçka”, tha Gentian Emini.
Për t’i bërë gjërat akoma më keq, fqinjët e Eminit përtej rrugës u vranë nga tornado EF-3. Ndërsa policia ende nuk e ka konfirmuar numrin e viktimave, thotë se të paktën shtatë prej tyre ishin fëmijë.
“Thjesht i mbaj mend të gjithë ata fëmijë që kalonin këtu dhe është zemërthyese. Ata luanin kudo. Nuk do ta kishim menduar kurrë se gjëra të tilla mund të ndodhin,” tha Emini.
Të shtunën e kaluar të paktën pesë shtete qendrore dhe jugore të SHBA-së raportuan vdekje pasi presidenti Joe Biden tha se ka të ngjarë të jetë një nga shpërthimet më të mëdha të tornadove në histori.
Goditja më e rëndë ishte Kentaki, ku Beshear tha se një numër i vdekjeve prej më shumë se 70 vetash mund të kalojë 100.
Shumë nga vdekjet erdhën në një fabrikë qirinjsh në qytetin e Mayfield, ku rreth 110 punonjës po punonin në turnin e natës kur një tornado u përplas duke shkatërruar ndërtesën. Jeremy Creason, shefi i shërbimeve të urgjencës për qytetin me 10,000 banorë, përshkroi mënyrën sesi shpëtuesit duhet të zvarriteshin mbi viktimat për të arritur te persona e gjallë.
