Komuniteti shqiptaro-amerikan e organizon eventin “Pse të investohet në Kosovë?”, i pranishëm edhe Kurti

Amerika

Komuniteti shqiptaro-amerikan e organizon eventin “Pse të investohet në Kosovë?”, i pranishëm edhe Kurti

Më: 8 maj 2022 Në ora: 22:09
Kryeministri, Albin Kurti

Këshilli për Çështjet Botërore në Dallas “Fort Worth” në bashkëpunim me komunitetin shqiptaro-amerikan më 12 maj do të presin kryeministrin e Kosovës, Albin Kurti, i cili është duke qëndruar në Shtetet e Bashkuara të Amerikës.

Eventi i quajtur “Pse të investohet në Kosovë?” do të zhvillohet në Westin Galleria, duke filluar nga ora 17:30.

“Do të diskutohet fuqia e këtij shteti ballkanas dhe rritja ekonomike e përjetuar që nga pavarësia e tij në vitin 2008, së bashku me sigurinë energjetike, mundësitë e biznesit dhe partneritetet”, thuhet në njoftimin e publikuar.

Për të marrë pjesë në këtë event njerëzit mund edhe të regjistrohen,  për të parë linkun.

I pari i qeverisë, duket se këtë vizitë do ta vazhdojë edhe për një javë ku më 14 maj do të mbajë një ligjeratë publike në Universitetin DePaul në Chicago, organizuar nga Departamenti i Studimeve Shqiptare.

Kurti, vizitën zyrtare e nisi më të premten, ndërsa të dje bashkë me ministren Rizvanolli nisën negociatat me MCC-në për një projekt energjetik, vlera e të cilit pritet të jetë mbi 200 milionë euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat