Presidenti i KOK-ut, përgëzoi atletin Bytyçi për suksesin e arritur! Sylejmani krenar për medaljen e artë

Atletika

Presidenti i KOK-ut, përgëzoi atletin Bytyçi për suksesin e arritur! Sylejmani krenar për medaljen e artë

Nga: K. G. Më: 15 qershor 2022 Në ora: 18:16
Në të majtë Halil Sylejmani, në mes Enis Bytyçi dhe në të djathtë Ismet Krasniqi

Atleti Enis Bytyçi shkëlqeu në disiplinën 400 metra, duke fituar titullin e kampionit të Ballkanit në kategorinë U-18.

Një sukses i madh për atletikën dhe Kosovën.

Presidenti i Federatës së Atletikës së Kosovës, Halil Sylejmani, është pritur nga presidenti i Komitetit Olimpik të Kosovë, Ismet Krasniqi.

Image

Sylejmani është krenar me Bytyçin dhe medaljen e artë ballkanike.  

“Presidenti i KOK-ut, Ismet Krasniqi, ka pritur ekipin e atletikës, pas suksesit të arritur në Kampionatin Ballkanik U-18, të mbajtur në Tivar të Malit të Zi.

Atleti Enis Bytyçi fitoi medaljen e artë në disiplinën 400 metra vrapim.

Image

Presidenti Krasniqi përgëzoi atletin Bytyçi për suksesin e arritur, duke i uruar fat dhe suksese edhe në garat e ardhshme ndërkombëtare.

Atleti Bytyçi, trajneri i tij, Ardian Mazreku, kryetari i Federatës së Atletikës së Kosovës, Halil Sylejmani dhe sekretari i përgjithshëm, Abdurrahman Shkodra, folën për Ballkanikun, sfidat dhe garat e ardhshme.

Ballkaniku ishte organizuar nga Federata Atletike e Serbisë, e cila shkaku i Kosovës, organizimin e kishte bërë në Tivar”, thuhet në njoftimin e KOK-ut.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat