Sportistja: E mbajta të fshehur për 34 vite

Atletika

Sportistja: E mbajta të fshehur për 34 vite

Më: 19 qershor 2022 Në ora: 18:55
Sportistja: E mbajta të fshehur për 34 vite

“E kam mbajtur të fshehur për 34 vite. Gjithsesi, sot nuk mund ta mbaja më të fshehtë faktin se jam lesbike”.

Ka qenë kjo deklarata surprizë e ish-atletes britanike Dame Kelly Holmes, 52-vjeçe, e cila është kampione e dyfishtë olimpike, fituese e medaljes së artë në 800 e 1500 metra në “Athinë 2004”.

Ajo e ka pranuar homoseksualitetin e saj gjatë një interviste për “Sunday Mirror” dhe u shpreh se për të tashmë që konfirmoi këtë lajm ndihet më e cliruar. “Kisha nevojë ta bëja publike tani këtë gjë. Ka qenë një vendim i imi.

Kam qenë gjithnjë nervoze në lidhje me idenë e pranimit të kësaj të vërtete”, tha Holmes.

“Kur pranon një gjë të tillë, njeriu ndjen një clirim brenda vetes. Tani mund të marr frymë e lirë, pasi jam ndjerë keq me veten këto vite që e kam mbajtur të fshehtë. Kam mbajtur sekret mjaft marrëdhënie që kam patur në këto vite”, u shpreh më tej Holmes, që mbajti flamurin britanik në ceremoninë e mbylljes në Olimpiadën greke.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat