Bolt aplikon për patentë në Amerikë

Atletika

Bolt aplikon për patentë në Amerikë

Më: 2 shtator 2022 Në ora: 12:22
Bolt

Atleti xhamajkan Usain Bolt, rekordmen botëror i garës së 100 dhe 200 metrave, ka aplikuar së fundi në Amerikë për ta kthyer festimin e tij të pasgarës në një markë të licensuar. Bolt, fitues i 8 medaljeve të arta olimpike, njihet për festimin e tij, ku përkulet pas dhe bën me gisht drejt qiellit.

Sipas Zyrës së Patentave dhe Markave të SHBA-së, z. Bolt paraqiti kërkesën e tij për markën tregtare më 17 gusht. Ai imazh festimi përshkruan “siluetën e një burri në një pozë të veçantë, me një krah të përkulur dhe drejtuar nga koka, dhe krahun tjetër të ngritur dhe drejtuar lart”.

Usain Bolt  synon të përdorë imazhin e festimit në artikuj të ndryshëm, duke përfshirë veshje, bizhuteri dhe këpucë, por edhe restorante e bare sportive, tregon dokumentacioni. Duke pasur parasysh që Bolt tani është tërhequr nga garat, me këtë lëvizje ai kërkon të zgjerojë perandorinë e tij të biznesit.

Silueta e pozës së tij të fitores njihet në mbarë botën. Ky regjistrim i markës tregtare do t’i mundësonte atij të ofrojë vetë artikujt e listuar në aplikacion ose të licencojë të drejtën për të përdorur markën për palët e treta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat