Musa Hajdari triumfon në Gjysmë Maratonën “Gjilani 2022 – Vrapojmë Shtigjeve të Agimit”

Atletika

Musa Hajdari triumfon në Gjysmë Maratonën “Gjilani 2022 – Vrapojmë Shtigjeve të Agimit”

Nga: K. G. Më: 13 nëntor 2022 Në ora: 21:05
KA Rogana

Atletët e klubit Rogana nga komuna e Dardanës, sot treguan rezultate të shkëlqyeshme në Gjysmë Maratonën “Gjilani 2022 – Vrapojmë Shtigjeve të Agimit”.

Kryetrajneri Zijadin Kryeziu është shumë i kënaqur me atletin Musa Hajdari që ngadhënjeu në garë me kohë të kaluar për 1.14,44 orë.

“Musa Hajdari, kampion i edicionit të parë të gjysmë maratonës ‘Gjilani 2022’. 

Image

Atleti ynë e dominoi bindshëm garën edhe pse është hera e parë që garoi në këtë disiplinë ai nuk lejoi që ky trofe me simbolikë të veçantë të shkoj në klube tjera.

Musa është atlet i shtigjeve të mesme por falë përkushtimit të tij, disiplinës, seriozitetit në punë nuk lë vend për befasi, pikërisht para një viti është operuar, vrapimi që bëri sot tregon punën e tij përkushtimin e tij dhe i jep një leksion gjeneratave të reja se çfarë përkushtimi i duhet një sportisti në sfidat që mundë ti paraqiten për të arritur synimet e tij. 

Image

Kjo gjë nuk është aspak e lehtë por është e mundur. Vërtet garat e disiplinës, të gjata janë të vështira dhe kërkojnë shumë punë e sakrificë por jo sa thyerja e kufirit në Koshare nga arkitekti i kësaj beteje Agim Ramadani i cili së bashku me të gjithë ushtarët pa dallim e bën të mundur që sot të vrapohet lirshëm dhe të tregohen vlerat sportive, andaj duke mos i harruar e kujtuar gjithmonë shtigjet e Agimit dhe të gjithë dëshmorëve të lirisë urojmë që kjo traditë e kujtim për Agimin dhe dëshmorët e tjerë të bëhet ngjarje tradicionale.

Një falënderim i veçantë i dedikohet sponsorit të klubit " BRICKOS Shpk" që sukseset tona të përbashkëta po rriten në kontinuitet”, njofton KA Roga.

Tre vendet e para

1. Musa Hajdari (Rogana) 1.14,44
2. Aëlbion Ymeri (Gërmia 555) 1.18,05
3. MUxhahid Mislimoski (Uskana Jërçovë) 1.19,25

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat