Maryna Romanchuk, pozitive në doping

Atletika

Maryna Romanchuk, pozitive në doping

Më: 15 maj 2025 Në ora: 23:43
Maryna Romanchuk

Atletja ukrainase, fituese e medaljeve botërore në kërcim së gjati dhe trehapësh, Maryna Romanchuk, është pezulluar përkohësisht nga sporti i atletikës pasi rezultoi pozitive me substancën testosteron. Lajmin e bëri të ditur njësia e Integritetit të Atletikës (AIU).

29 vjeçarja Romanchuk, ka fituar medaljen e artë në kampionatin evropian në 2022, në kërcim trehapësh, medalje argjendi në Kampionatin Botëror 2019, në kërcim së gjati dhe kërcim trehapësh në vitin 2023. Ajo është një nga figurat kryesore në atletikën botërore me tre pjesëmarrje në Lojërat Olimpike (2016, 2020 dhe 2024).

Lajmi për pozitivitetin me doping, u publikua përpara debutimit të saj ndërkombëtar sezonal, i planifikuar për të premten në Diamond League në Doha.

Sipas rregullores antidoping, në rast të përdorimit të testosteronit, atletja ukrainase, rrezikon një skualifikim deri në katër vjet, i cili mund të reduktohet në dy ose më pak nëse ajo mund të tregojë se përdorimi i substancës ishte i pavullnetshëm ose për shkak të rrethanave të veçanta.

comment Për komente lëvizni më poshtë
Sot mund të lexoni Shfletoni kopertinat