Atletët e atletet janë më të ndëshkuarit në shtetin e Kosovës!
Nuk e di si ka mundësi një atlet apo atlete të arrijë nivelin ku nuk ka stadium të atletikës me shteg - 8 korsi dhe sipas standardeve ndërkombëtare.
Nuk e di si ia dalin atletët e Roganës me kryetrajnerin e mirënjohur Zijadin Kryeziu!
Nuk e di si ia dalin atletët e Prizrenit me kryetrajnerin Bajram Duja.
Nuk e di si ia dalin edhe të Pejës, edhe të Mitrovicës etj.
Nuk është njësoj si me stërvitur në livadhe e në tokë me pluhur, si me stërvitur në kushte sipas standardeve ndërkombëtare, me shteg me tetë korsi!
Këtë e dijnë më së miri ekspertët e atletikës!
Është turp që Kosova sot ende nuk e ka një stadium të atletikës, të paktën të ketë edhe një mijë ulëse.
Edhe në këto kushte e mjerimit e të çmendurisë, kemi atletë e atlete siç është edhe Leon Thaqi i Roganës i cili arrin rezultate të mira.
Ky djalosh i talentuar i ka tejkaluar pritshmëritë në kushtet ku stërvitet!
Rrethana ku stërviten atletët tanë nëpër fusha me bari e me pluhur, është fat që nuk i pickon ndonjë gjarpër gjatë verës!
Dorën në zemër, të paktën sot, është dashur që të kemi 7-8 stadiume me shteg të atletikës me tetë korsi!
Atletika është sporti më i ndëshkuar në Kosovë!
Atletika është baza e sportit!
Mëkat sot që pas 26 viteve të pasluftës shteti ynë nuk ka stadium të atletikës.
Trishtim!
Atletika nuk e meriton këtë ndëshkim!