Aziz Salihu në festë, gjunjëzon Popoviqin e Vujkoviqin, shpallet boksieri më i mirë i të gjitha kohërave

Boksi

Aziz Salihu në festë, gjunjëzon Popoviqin e Vujkoviqin, shpallet boksieri më i mirë i të gjitha kohërave

Nga: Kemajl Goca Më: 24 shkurt 2021 Në ora: 13:57
Aziz Salihu në festë, gjunjëzon Popoviqin e Vujkoviqin, shpallet boksieri më i mirë i të gjitha kohërave

Azizi Salihu është sikur në qiellin e shtatë! Sportisti i Shekullit ka një mijë një arsye që të mburret, sipas tij, u shpall boksieri më i mirë i të gjitha kohërave në ish Jugosllavi.   

“Ish boksierët më të mirë në ish Jugosllavi, kroatët, boshnjakët, serbët, malazezët, maqedonët, sllovenët, formuan një komision dhe më zgjodhën më të mirin e të gjitha kohërave në ish Jugosllavi.

Unë si sportistë ndër më të mirët në Evropë, jam shumë krenar që u zgjodha më i miri i të gjitha kohërave duke e mposhtur konkurrentët e mi, si Popoviqin dhe Vujkoviqin.

Image

Të gjithë e dinë se si i kam mundur rusët dhe amerikanët, gjithherë kam bë bum, kam mposhtur amerikanët dhe boksierët më të mirë në Evropë. Qind për qind  isha më i miri dhe që edhe sot më shpallën më të mirin të të gjitha kohërave, Jam më i miri”, - shprehet Salihu për gazetën kombëtare “Bota sot”. 

“Zizi” është fitues i medaljes së bronztë olimpike në vitin 1984. “Tri herë kam marrë pjesë në Lojërat Olimpike, në kategorinë e rëndë dhe për mua është kënaqësi që elita më zgjodhi më të mirin e të gjitha kohërave.

Ka pasur kampion olimpik si Parllovi në gjysmë të rëndë etj. ndërsa unë në kategorinë e rëndë isha më i miri. Unë së bashku me Sami Buzollin jemi më të mirët të te gjitha kohërave! Unë për kategorinë e rëndë dhe Buzolli në mizë. Kam mundur boksierët më të mëdhenj në ish Jugosllavi, Evropë dhe në botë”, përfundon Salihu.

Shfaq komentet
comments powered by Disqus
Sot mund të lexoni Shfletoni kopertinat