Kush do të jetë sfiduesi i radhës për Tyson – çfarë thotë babai i Furyt

Boksi

Kush do të jetë sfiduesi i radhës për Tyson – çfarë thotë babai i Furyt

Më: 12 tetor 2021 Në ora: 00:09
Tyson

Promovuesi i Anthony Joshuas, Eddie Hearn, ka dhënë opinionin e tij lidhur me meçin e radhës së Tyson Fury.

Shumëkush është duke dashur të dijë se kush do të jetë kundërshtari i kampionit të pamposhtur të WBC-së pas nokautit sensacional që i shkaktoi Deontay Wilderit në fundjavë.

Dy boksierët në kategorinë e peshave të rënda u ndeshën për të tretë herë dhe britaniku regjistroi fitoren e dytë kundër amerikanit (derisa një herë ishin ndarë baras).

Hearn beson se sfiduesi i radhës për Gypsy King duhet të jetë Dillian Whyte. Ky i fundit fillimisht duhet të përballet me Otto Wallin më vonë gjatë këtij muaji dhe në rast të fitores do të bëhet rival obligativ për titullin WBC.

“Dillian Whyte është kundërshtari i detyrueshëm për Tyson Fury dhe kjo do të konfirmohet brenda 30 ditësh. Natyrisht, Dillian ka një meç të madh në O2 me Otto Wallin, por ai është sfiduesi i detyrueshëm për Tyson Fury”.

“Është një meç brilant. Do të doja ta shihja Tysonin sërish në Mbretërinë e Bashkuar. Ai nuk ka boksuar në Mbretërinë e Bashkuar qe tre ose katër vite. Është një duel i madh për këtë divizion”, ka deklaruar Hearn për iFL TV, shkruan telegrafi.

Në anën tjetër, babai i Tyson, John Fury, dëshiron që djali i tij të ndeshet me Oleskandr Usyk, i cili e mposhti Anthony Joshuan dhe ia rrëmbeu titujt në WBA, IBF, WBO dhe IBO – në kërkim të kampionit të padiskutueshëm.

“Ai duhet ta kërkojë Usyk ose askënd, sipas meje. Usyk duhet të jetë i radhës ose asgjë. Nuk do të merresha me të tjerët, ata nuk janë në nivelin e Tyson”, ka deklaruar babai i Furyt për talkSPORT. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat