​Osmani: Sadiku po rikthen rezultatet e gjeneratës së artë të boksierëve nga Kosova

Boksi

​Osmani: Sadiku po rikthen rezultatet e gjeneratës së artë të boksierëve nga Kosova

Më: 17 maj 2022 Në ora: 15:41
Donjeta Sadiku

Zëvendësministrja e Ministrisë Kulturës, Rinisë dhe Sportit, Daulina Osmani i ka vlerësuar lartë sukseset e arritura nga boksierja kosovare Donjeta Sadiku në Kampionatin Botëror të Boksit që po mbahet në Turqi.

Sadiku ka fituar tashmë medaljen e bronztë, kurse nesër do të luajë për kualifikim në finale të këtij kampionati, raporton KosovaPress.

Në shkrimin e saj në “Facebook” Osmani ka thënë se me këtë arritje, Donjeta Sadiku po rikthen rezultatet e gjeneratës së artë të boksierëve nga Kosova, të cilët prekën majat e suksesit gjatë viteve të 70-ta e të 80-ta.

Ajo ka shtuar se Donjeta po iu jep përgjigjen më të mirë komunitetit ndërkombëtar se sportistët tanë janë pjesë e elitës botërore, sidomos pas rastit kur vitin e kaluar Serbia nuk e lejoi ekipin kosovar të ishte pjesë e Kampionatit Botëror për meshkuj.

Ky është postimi i polotë i Daulina Osmanit:

Donjeta Sadiku është femra e parë në historinë e sukseseve të boksit të Kosovës që siguroi medalje të nivelit botëror. 

Ajo me këtë arritje po rikthen rezultatet e gjeneratës së artë të boksierëve nga Kosova, të cilët prekën majat e suksesit gjatë viteve të 70-ta e të 80-ta. 

Përderisa vitin e kaluar Kosovës iu ndalua padrejtësisht pjesëmarrja në kampionatin botëror të boksit për meshkuj nga ana e Serbisë në Beograd, suksesi i Donjetës është përgjigjja më e mirë për të dëshmuar tek komuniteti ndërkombëtar se sportistët tanë janë pjesë e elitës botërore.

Storja e Donjetës e cila mbërthen në vete shumë sakrifica dhe përkushtim do të mbetet pjesë e historisë tonë dhe motiv për sportistët e tjerë.

Bravo Donjeta

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat