Agim Tahiraj i drejtohet Afrim Majancit: Nuk jam trajner i Prishtinës 

Boksi

Agim Tahiraj i drejtohet Afrim Majancit: Nuk jam trajner i Prishtinës 

Nga: Kemajl Goca Më: 18 shtator 2022 Në ora: 12:56
Agim Tahiraj

Agim Tahiraj, kryetar i Shoqatës së Gjyqtarëve të Boksit të Kosovës, e kundërshton deklaratën e legjendës së boksit Afrim Majanci. 

Tahiraj thotë se nuk është trajner i Prishtinës!  

“Unë e mbajë shkollën e boksit në KB Prishtina e trajner i KB Prishtina është Naser Bajrami, unë asnjë boksieri që sa vite nuk i qëndroj në kënd në ring.

Kështu që në asnjë turne apo garë tjetër nuk jam pjesëmarrës si trajner, e punën në palestër askujt nuk i ndalohet.

Nuk ka të drejt ai që qëndron në kënd të boksierit dhe të jetë gjyqtar, unë jam gjyqtar i licencuar mbi 20 vite e ka shumë vite që nuk i kam qëndruar askujt në kënd të ringut. Kështu që ne vazhdojmë punën tonë që bëjmë me nder e respekt si shoqatë”, thotë Tahiraj për gazetën kombëtare “Bota sot”. 

Majanci, anëtar i bordit të Federatës së Boksit të Kosovës, ka deklaruar se Tahiraj ka disa pozita.

“Në boks e kemi kryetar i shoqatës së referëve, është anëtar bordi e punon trajner në KB Prishtina”, thotë Majanci.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat