Piratët rrëmbejnë anijen e mallrave me flamur amerikan

Bota

Piratët rrëmbejnë anijen e mallrave me flamur amerikan

Më: 31 janar 2021 Në ora: 09:03
Ilustrim

Një sulm pirat u krye mbi një anije mallrash që lundronte me flamurin e Shteteve të Bashkuara të Amerikës në Oqeanin Atlantik pranë Gjirit të Guinesë.

Portali “Maritime Bulletin” raportoi se sulmi ndodhi në orët e para të mëngjesit të sotëm në ujërat e Togos. I njëjti burim bëri të ditur se anija e mallrave lundronte nga Ishujt Kanarie në Lagos të Nigerisë.

Anija ndryshoi rrugën e saj të lundrimit pas sulmit të piratëve dhe ende nuk ka asnjë informacion në lidhje me fatin e ekuipazhit.

Gjiri i Guinesë ishte skena më e shpeshtë e rrëmbimeve të anijeve dhe ekuipazheve në botë vitin e kaluar. Dëmet ekonomike të shkaktuara nga sulmet e piratëve vlerësohen në 818 milionë dollarë.

Shfaq komentet
comments powered by Disqus
Sot mund të lexoni Shfletoni kopertinat