Më shumë se 8 milion njerëz në të gjithë botën vdesin çdo vit si rezultat i ajrit të ndotur që përmban grimca nga lëndët djegëse, ka zbuluar një studim i ri.
Djegia e lëndëve si qymyri dhe nafta prodhon gazra serë që bllokojnë rrezatimin diellor në atmosferë dhe shkaktojnë ndryshime klimatike.
Por gjithashtu çlirojnë grimca të vogla helmuese të njohura si PM2.5. Mjaft të vogla për të depërtuar thellë në mushkëri, këto grimca mund të përkeqësojnë kushtet e frymëmarrjes si dhe mund të çojnë në kancer të mushkërive, sëmundje koronare të zemrës, goditje në tru dhe vdekje të hershme.
Kërkimet kanë zbuluar gjithashtu një lidhje midis niveleve më të larta të ndotjes afatgjatë dhe më shumë vdekjeve nga Covid-19.
Në një studim të botuar në revistën Environmental Research of Tuesday, studiuesit nga Universiteti i Harvardit, në bashkëpunim me Universitetin e Birmingham, Universitetin e Leicester dhe Universitetin College London, zbuluan se ekspozimi ndaj grimcave nga emetimet e karburanteve, përbënte 18% të totalit të vdekjeve globale, pothuajse një në pesë persona, në 2018.
Shifra është shumë më e lartë sesa mendohej më parë.
