OBSH kërkon rastet e hershme me Covid në qendrat e grumbullumit të gjakut në Kinë

Bota

OBSH kërkon rastet e hershme me Covid në qendrat e grumbullumit të gjakut në Kinë

Më: 14 shkurt 2021 Në ora: 23:47
Foto ilustrim

Organizata Botërore e Shëndetësisë ende është duke u përpjekur që të zbulojë nëse ka pasur epidemi të koronavirusit në Kinë, para rasteve të bëra publike në Wuhan.

Sipas virologut Marion Kupmans, një anëtar i ekipit të OBSH-së që u kthye kohët e fundit nga Wuhan, tha se nuk është gjetur asnjë provë konkrete që tregon se virusi ekzistonte para dhjetorit të vitit 2019.

Megjithatë, një analizë e gjerë e statistikave kineze të pacientëve zbuloi se 92 pacientë që u sëmurën para epidemisë kishin simptoma të tilla si ato të shkaktuara nga Covid-19.

Testet e fundit të gjakut të kryera midis këtyre pacientëve nuk treguan antitrupa virale, por arsyeja për këtë mund të jetë fakti që ka kaluar shumë kohë.

Mostrat e gjakut të ruajtura që nga viti 2019 në qendrat e grumbullimit të gjakut në Kinë, mund të japin përgjigjje, ndërsa është duke u zhvilluar një debat nëse shkencëtarët mund t’i përdorin ato.

Misioni i udhëhequr nga OBSH, i cili përfshin shkencëtarë nga Kina dhe 10 vende të tjera, nuk ka përcaktuar se cilat kafshë transmetuan virusin për herë të parë te njerëzit. Lakuriqët e natës janë identifikuar si burime të mundshme.

Përkundër faktit se numri i njerëzve të infektuar në botë po zvogëlohet, shkencëtarët e OBSH-së kanë deklaruar se njerëzit duhet të vazhdojnë të bëjnë kujdes./

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat