Më shumë tani për shpërthimet e raportuara në qytetin perëndimor të Ukrainës, Lviv.
Qyteti po përjeton ndërprerje të energjisë elektrike pas një sulmi ajror rus, tha kryebashkiaku i Lviv Andriy Sadovyi në Telegram, përcjell “Bota sot”.
“Dy nënstacionet e energjisë janë dëmtuar si pasojë e sulmit me raketa nuk ka energji elektrike në një pjesë të qytetit”, thotë ai.
Sadovy u bëri thirrje njerëzve të qëndrojnë në strehimoret e bombave, në një postim në mediat sociale.
Trenat janë ndalur në hyrje të Lviv dhe ushtria ruse ka bombarduar nënstacionet hekurudhore, duke shkaktuar vonesa, sipas një deklarate të hekurudhave të Ukrainës.
“Për shkak të granatimeve të armikut të nënstacioneve hekurudhore, një numër trenash do të lëvizin me vonesë”, thuhet në të, duke u kërkuar njerëzve që të mos largohen nga strehimoret gjatë alarmeve të sulmeve ajrore.
