Ambasadorja në detyrë e SHBA në Ukrainë, Kristina Kvien dhe një grup diplomatësh amerikanë u kthyen sot në ambasadën në Kiev, për herë të parë që nga 24 shkurti, kur filloi sulmi i Rusisë ndaj Ukrainës.
Ambasada amerikane në Kiev u mbyll në mes të shkurtit për shkak të shqetësimeve për veprimet ushtarake ruse.
Një grup i vogël diplomatësh amerikanë u transferua më pas në qytetin perëndimor të Ukrainës, Lviv, para se të transferoheshin në Poloni dhe të ktheheshin herë pas here në Ukrainë.
Megjithatë, më 24 shkurt, Shtetet e Bashkuara pezulluan shërbimet diplomatike në Lviv.
