Shpërthime të shumta në Kiev ndërsa Ukraina raporton sulme me dron kamikaze

Bota

Shpërthime të shumta në Kiev ndërsa Ukraina raporton sulme me dron kamikaze

Nga: H.O. Më: 17 tetor 2022 Në ora: 07:53
Pamje nga lufta në Ukrainë

Të paktën tre shpërthime janë dëgjuar në kryeqytetin ukrainas Kiev, pasi sirenat e sulmit ajror u ndezën.

Kryebashkiaku Vitalii Klitschko tha se ndërtesat e banimit në zonën qendrore të Shevchenkivskiy ishin dëmtuar.

Andriy Yermak, kreu i zyrës së Presidentit Zelensky, tha se sulmet ishin nga të ashtuquajturat dron kamikaze.

Një javë më parë, kryeqyteti u godit nga disa raketa ruse në orët e pikut, pjesë e sulmeve mbarëkombëtare që lanë 19 të vdekur.

Shpërthimet të hënën ndodhën rreth orës 07:00 me orën lokale (04:00 GMT), tha Paul Adams i BBC-së, i cili ndodhet në qytet, shkruan BBC, transmeton Bota sot.

Duke shkruar në faqen e mediave sociale Telegram, Z. Klitschko tha se ata ishin në lagjen Shevchenkivskiy, i cili u godit nga disa sulme javën e kaluar.

Ai tha se ekipet e shpëtimit ishin në vend dhe u tha banorëve të qëndronin në strehimoret e sulmeve ajrore.

Yermak tha në Telegram se sulmi ishte nga dronët kamikaze dhe se Ukraina kishte nevojë për më shumë sisteme të mbrojtjes ajrore "sa më shpejt të jetë e mundur".

comment Për komente lëvizni më poshtë
Sot mund të lexoni Shfletoni kopertinat