ISIS pranon vdekjen e liderit, emëron pasardhësin e tij

Bota

ISIS pranon vdekjen e liderit, emëron pasardhësin e tij

Më: 30 nëntor 2022 Në ora: 18:45
Foto ilustrim

ISIS pranoi vdekjen e liderit të saj të mërkurën dhe konfirmoi pasardhësin e tij.

Filiali i medias i grupit, al-Furqan, publikoi një audio mesazh nga një zëdhënës i ISIS-it, duke njoftuar vdekjen e liderit, i cili ishte u emëruar në muajin mars.

“Njoftoj dhe vajtoj për shtetin islam dhe luftëtarët e shtetit të plotfuqishëm islam, (mungesën) e emirit të besimtarëve dhe kalifit të myslimanëve Abu al-Hasan al-Hashmi al- Qurayshi… ai u vra duke luftuar kundër armiqtë të Zotit”, tha zëdhënësi Abu Omar al-Muhajer në mesazhin e lëshuar të mërkurën.

ISIS nuk e bëri të qartë se kush e vrau komandantin e grupit ose ku, raporton cnn.

Grupi shpalli pasardhësin e tij, i cili do të jetë Abu al-Husain al-Husaini al-Quraishi. Dihet pak për të, por grupi e përshkroi atë si një “luftëtar të vjetër” pa përmendur detaje të mëtejshme.

Udhëheqësi i ndjerë u emërua nga ISIS në mars të vitit 2022 pasi presidenti amerikan, Joe Biden njoftoi vdekjen e Abu Ibrahim al-Hashimi al-Qurayshi në një operacion ushtarak në veriperëndim të Sirisë. 

commentFirst article
Sot mund të lexoni Shfletoni kopertinat