NASA: Rusia ka korrur grurë me vlerë 1 mld dollarë në territoret e “pushtuara” ukrainase

Bota

NASA: Rusia ka korrur grurë me vlerë 1 mld dollarë në territoret e “pushtuara” ukrainase

Më: 4 dhjetor 2022 Në ora: 09:12
Foto ilustrim

Rusia ka korrur rreth 1 miliard dollarë grurë ukrainas këtë vit, sipas agjencisë amerikane të hapësirës, NASA.

Sipas programit të sigurimit ushqimor dhe bujqësisë së agjencisë , NASA Harvest, 5.8 milionë tonë drithë u korrën në fushat e Ukrainës “tëcilat nuk janë nën kontrollin e Ukrainës”.

Hulumtimi i agjencisë, në bashkëpunim me partnerët e saj të ndryshëm, u bazua në imazhet satelitore.

Në total, të korrat nga territori ukrainas këtë vit ishin rreth 26.6 milion ton grurë , një sasi shumë më e madhe se sa ishte parashikuar, sipas shkencëtarëve të përfshirë në hulumtim.

Ndërsa kjo korrje është më pak se rekordi i vitit 2021, 33 milionë tonë, është afër mesatares pesëvjeçare prej 27.9 milionë tonësh.

Por Ukraina nuk ka akses në 22% të kësaj shume, në pjesën lindore të vendit, për shkak të pushtimit të ushtrisë ruse më 24 shkurt dhe luftës së vazhdueshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat