LIVE: Po afrohet fundi i Putinit, shteti aleat lë në baltë Rusinë - ja “shuplaka” e fuqishme për liderin rus

Bota

LIVE: Po afrohet fundi i Putinit, shteti aleat lë në baltë Rusinë - ja “shuplaka” e fuqishme për liderin rus

Nga: Bota sot Më: 6 prill 2023 Në ora: 06:14 Përditësuar në ora: 22:42 më 06.04.2023
Pamje nga lufta në Ukrainë

Shefi i Wagnerit: Trupat ruse mund ta fitojnë kontrollin e Bahmutit në 3-4 javë

Forcat ukrainase janë duke e vazhduar rezistencën ndaj tentimeve të Moskës për të fituar kontrollin e qytetin lindor, Bahmut, të cilin do të mund ta kontrollojmë në tre deri në katër javë, ka thënë Yevgeny Prigozhin, i cili drejton grupin mercenar rus, Wagner.

Komenti, që i është atribuuar atij në Telegram, ka ardhur vetëm disa ditë pasi Prigozhin ka pretenduar se Bahmuti ka rënë në duart e forcave ruse.

Rusia është ende duke tentuar të shkëpusë linjat e furnizimit për ukrainasit, çka do të mundësonte hyrjen në qytet nga drejtime të ndryshme, si dhe shkatërrimin e “objekteve ushtarake kyçe”, ka thënë ai.

Prigozhin ka folur edhe për dhjetëra varreza të mercenarëve të grupit të tij.

“Kjo varrezë një ditë duhet të shndërrohet në vend përkujtimor për gjeneratat e ardhshme”, ka thënë ai, duke shtuar se trupat e tij janë përballur me humbje të mëdha në luftën për Bahmutin, në javët e fundit.

“Po, kjo varrezë është duke u rritur”, ka thënë ai.

Trupat ukrainase kanë luftuar ashpër për të mbrojtur Bahmutin kundër sulmeve të trupave ruse që janë duke u ndihmuar nga mercenarët e Wagnerit.

Pjesa më e madhe e qytetit tashmë është nën kontrollin rus, mirëpo njësitet ukrainase vazhdojnë të jenë të pozicionuara në pjesën perëndimore të këtij qyteti, i cili para se të shpërthente lufta i ka pasur rreth 70.000 banorë.

Lufta në Ukrainë ka nisur më 24 shkurt 2022.

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

Po i vjen vdekja “rrotull”? Putin “kapërcen” në paranojë nga një atentat i mundshëm dhe bën veprimin e bujshëm me “shenjestër”

Një nga çështjet më të përfolura në lidhje me presidentin rus Vladimir Putin, është pa dyshim paranoja e tij dhe frika nga atentatet, frikë e cila e ka bërë liderin rus të mos udhëtojë me avionë, duke preferuar trenin si mjet transporti edhe për distanca të largëta.

Një detaj i ri është zbuluar që tregon pikërisht frikën e Putin nga tentativat për ta eliminuar fizikisht.

Një oficer i lartë rus ka bërë me dije se presidenti ka ndërtuar zyra paralele identike në pallatet e tij luksoze në Shën Petersburg, Soçi dhe Novo-Ogaryovo, në tentativë për të konfuzuar atentatorët e mundshëm.

Ai ka zbuluar se ngjashmëria e zyrave shkon në ekstrem deri në detajet më të vogla.

Gleb Karakulov, një oficer në shërbimin e fshehtë elitar të sigurisë personale të Presidentit Vladimir Putin, i cili iku në Kazakistan në tetorin e vitit të kaluar, tha se autokrati rus është gjithnjë e më shumë paranojak për sigurinë e tij, duke i udhëzuar shpesh zyrtarët të pretendojnë se ai po largohet nga qyteti kur kjo nuk është e vërtetë.

Në një intervistë, Karakulov tha se kur Putin ishte në Soçi, zyrtarët e sigurisë pretenduan qëllimisht se ai po largohej, duke sjellë një aeroplan dhe duke dërguar një autokolonë, për të mashtruar ekzekutorët e mundshëm.

Kjo konfirmoi raportet e mëparshme të gazetës ruse Proekt Media që tregonin se si zyra e Putinit në Soçi dhe rezidenca e tij në Novo-Ogaryovo afër Moskës ishin identike.

Kremlini kishte publikuar foto të një takimi të tij duke pretenduar se ai ishte në Novo-Ogaryovo kur në fakt Putin ishte në Soçi. Puna e z. Karakulov e solli atë në hotele luksoze për samite, resorte plazhi në Kubë, jahte dhe në një tren special të blinduar të pajisur për presidentin rus.

Po afrohet fundi i Vladimir Putinit, India lë në baltë Rusinë

Pas Armenisë, që tha se do ta arrestonte presidentin Vladimir Putin, nëse shkelte në territorin e tyre, Rusia ka marrë një tjetër shuplakë të forte nga një vend aleat, kësaj radhe nga India. Banka e dytë më e madhe shtetërore e Indisë, Bank of Waroda, ka ndaluar miratimin e pagesave për naftën ruse të shitur mbi një çmim të vendosur nga Perëndimi këtë muaj. Lajmin e kanë konfirmuar për Reuters tre burime të njohura me këtë çështje.Disa rafinerë indiane paguanin në monedhën e Emirateve të Bashkuara Arabe për naftën bruto ruse me squfur të ulët me një çmim prej më shumë se 60 dollarë për fuçi duke përdorur Bankën e Barodës.

Grupi G7, Bashkimi Evropian dhe Australia vendosën një tavan çmimi në fund të vitit të kaluar për të ndaluar tregtimin e naftës ruse nëse ajo nuk shitet me një çmim të ulët të imponuar, gjithçka për të privuar Moskën nga fondet për luftën e saj në Ukrainë. “Banka e Baroda është jashtëzakonisht e kujdesshme në shlyerjen e pagesave për naftën ruse të blerë me një çmim mbi tavanin. Ata na thanë se nuk ka asnjë pagesë mbi atë çmim”, tha burimi për Reuters. Vetë Banka ende nuk ka komentuar këtë situatë.

“Shpëtimi” nga sanksionet

Para fillimit të luftës në Ukrainë, rafinerët indianë rrallë blinin naftë nga Rusia për shkak të kostove më të larta të transportit. Pas sanksioneve perëndimore kundër Moskës për shkak të pushtimit të Ukrainës, rafineritë indiane shfrytëzuan mundësinë dhe blenë me një çmim më të ulët. Rusia ka zëvendësuar kështu Irakun si furnizuesin kryesor të naftës së Indisë gjatë muajve të fundit. Disa rafineri, kryesisht operatorë privatë, bëjnë pagesa në dirhemë për naftën bruto ruse përmes huadhënësit privat Axis Bank. Nuk dihet ende nëse Axis Bank ka ndaluar tregtimin e naftës ruse me një çmim mbi tavan.

“India nuk e njeh kufirin perëndimor mbi çmimet e naftës ruse”, tha një burim i ministrisë së naftës për Reuters muajin e kaluar. “Ne as ndaluam dhe as reduktuam blerjen e naftës ruse pas vendimit të Bankës së Barodës. Ne do të konsiderojmë përdorimin e rupive për të paguar naftën e blerë me një çmim mbi tavanin”, tha një burim tjetër. Vitin e kaluar India krijoi një mekanizëm për shlyerjen e tregtisë ndërkombëtare në rupi, që ende nuk është nisur për shkak të mungesës së interesit rus për rupinë dhe për shkak të deficitit tregtar të Indisë me Moskën. Megjithatë, gjatë vizitës së javës së kaluar në Indi, CEO i kompanisë ruse të naftës Rosneft, Igor Sechin, diskutoi mënyrat për të zgjeruar bashkëpunimin me Indinë, duke përfshirë mundësinë e pagesës në monedhën kombëtare.

Lufta në Ukrainë

Që kur trupat ruse u futën në Ukrainë, qeveria indiane duket se ka bërë akrobacira diplomatike dhe ka abstenuar gjatë votimit të gjithë rezolutave të OKB që dënojnë sjelljen e Rusisë. Këtu bën pjesë votimi në Këshillin e Sigurimit të OKB, në Asamblenë e Përgjithshme, në Këshillin e OKB për të drejtat e njeriut dhe në Agjencinë Ndërkombëtare për energjinë atomike. Arsyeja për këtë ka nga njëra anë të bëjë me lidhjet historike dhe strategjike me Rusinë. Por nga ana tjetër ka të bëjë edhe me një nga parimet qendrore të politikës së jashtme të Indisë: Dëshirën që të ketë marrëdhënie të mira dhe të qëndrueshme me të gjitha fuqitë e mëdha, përfshirë edhe Rusinë. Po ashtu ekzistojnë ngjashmëri në stilin politik populist të presidentit rus Vladimir Putin dhe kryeministrit të Indisë, Narendra Modi.

Hakmarrja e Putinit

Analistët dhe shkencëtarët politikë përmendin katër faktorë kryesorë që formësojnë politikën e Indisë ndaj Ukrainës dhe Rusisë: Historia, energjia, armët dhe ndikimi. Marrëdhëniet u përmirësuan gjatë Luftës së Ftohtë, dhe fundi i saj nuk e ndryshoi këtë. As lufta e Ukrainës. Po ashtu, Moska është tregtari më i madh i armëve në Indi dhe thuhet se i ka furnizuar rreth 13 miliardë dollarë armë vetëm në pesë vitet e fundit. Ka një arsye të madhe përse India ka nevojë për të gjitha këto armë: Kina. Ndaj, nuk dihet pse India ka vendosur të ndërmarrë një nismë të tillë në këtë moment, të tradhtojë një aleat, por me siguri Putin nuk do ta lërë pa përgjigje, pasi kjo do të ndikojë pa dyshim në tregtinë ruse dhe efektet e sanksioneve të BE-së.

Serbia stërvitje ushtarake me SHBA, vjen reagimi i menjëhershëm nga Moska

Zëdhënësi i Kremlinit Dmitry Peskov ka theksuar se Rusia do të monitorojë me kujdes stërvitjet ushtarake “Ujku i Platinit” që Serbia po zhvillon me SHBA-në dhe 10 vende të tjera.

Ndër të tjera ai ka thënë se vijon presioni ndaj Beogradit për të mbajtur një qëndrim anti-rus.

Mediat vendase shkruajnë se këtë vit Forcat e Armatosura të Serbisë do të zhvillojnë stërvitjen ushtarake “Ujku i Platinit” me pjesëtarë të Ushtrisë SA D dhe partnerë perëndimorë, e cila do t’i japë fund moratoriumit për pjesëmarrjen në stërvitjet dypalëshe dhe shumëpalëshe me të gjithë partnerët, të futur pas lufta në Ukrainë.

Aktivizimi i stërvitjeve ndërkombëtare ushtarake më 23 mars u përmend edhe nga këshilltari i lartë i Departamentit Amerikan të Shtetit, Derek Schole, kur falënderoi presidentin serb Aleksandër Vuçiç në Twitter për angazhimin e tij konstruktiv në Ohër, por edhe për “riangazhimin me SHBA në stërvitjet ushtarake mbrojtëse” me mbishkrimin “# PlatinumWolf”.

Ndërkohë nga ana tjetër ministria e Mbrojtjes e Republikës së Serbisë ka konfirmuar për mediat se në Serbi do të zhvillohet stërvitja ushtarake “Platinum Wolf 23”, si dhe se pjesëtarët e forcave tona të armatosura do të stërviten me ushtarët e NATO-s dhe aleatët e tyre.

Lufta në Ukrainë/ Putin merr vendimin drastik për një nga gjeneralët më të lartë

Vladimir Putin ka shkarkuar një nga gjeneralët kryesorë që udhëheqin forcat ruse në Ukrainë, ka thënë Ministria e Mbrojtjes e Mbretërisë së Bashkuar (MM).

Ministria e Mbrojtjes raportoi se gjeneral-koloneli Rustam Muradov është shkarkuar si komandant i Grupit Lindor të Forcave (EGF).

Grupi është bërë i njohur për sulmet e tij të dështuara, duke përfshirë një në qytetin lindor të Vuhledar, i cili përfundoi me dhjetëra tanke të shkatërruar.

“Ky është shkarkimi më i lartë ushtarak rus i vitit 2023 deri më tani, por ka më shumë gjasa të ndodhin shkarkime të tjera pasi Rusia vazhdon të mos arrijë objektivat e saj në Donbas”, tha Ministria e Mbrojtjes.

Pesë të vdekur nga bombardimet ruse në rajonin e Donetskut

Të paktën 5 civilë kanë humbur jetën si pasojë e bombardimeve ruse në rajonin lindor të Donetskut në Ukrainë.

Guvernatori i rajonit, Pavlo Kyeylenko, në një postim në Telegram, ka shkruar se rusët qëlluan një kopsht fëmijësh, shtëpi private dhe disa ndërtesa të larta.

Kujtojmë që ditën e djeshme mbetën të plagosur 9 persona.

Stoltenberg: Së shpejti edhe Suedia do të jetë pjesë e NATO-s

Suedia do të bëhet anëtare e Organizatës së Traktatit të Atlantikut të Veriut (NATO) pavarësisht kundërshtimeve nga Turqia dhe Hungaria, tha të mërkurën shefi i aleancës ushtarake transatlantike, në intervistën e tij të parë që kur Finlanda u bë anëtarja më e re e aleancës.

“Kam besim se Suedia do të bëhet anëtare e NATO-s, jo më pak sepse të gjithë aleatët e NATO-s, përfshirë Turqinë, e ftuan Suedinë të bëhet anëtare në samitin tonë në Madrid,” tha Sekretari i Përgjithshëm i NATO-s Jens Stoltenberg në një intervistë për CNN.

Finlanda u bë zyrtarisht anëtarja e 31-të i NATO-s të martën, duke shënuar një ndryshim të madh në peizazhin e sigurisë në Europën verilindore. Megjithatë, përpjekja e Suedisë për t’u bashkuar me bllokun ka mbetur pezull nga anëtarët e aleancës Turqia dhe Hungaria, pasi sipas rregullave, çdo shtet anëtar mund të vendosë veton ndaj një vendi të ri për t’u bërë pjesë e aleancës.

Anëtarësimi i Finlandës nxiti Ukrainën të përsëriste thirrjet për t’u bashkuar me NATO-n.

Snajperistët ukrainas eliminojnë ushtarët rusë në Bakhmut

Snajpersitët ukrainas që shërbejnë pranë njësive speciale, kanë arritur të kryejnë një sulm të suksesshëm në Bakhmut.

Ata gjatë natës arritën të neutralizojnë disa ushtarë rusë që lëviznin nëpër një zonë malore.

Pamjet janë publikuar nga komanda e forcave të operacioneve speciale, ku shihet sesi ukrainasit janë bërë “arrë e fortë” për Rusinë e Vladimir Putinit.

Ukrainasit çdo ditë pothuajse realizojnë aksione të tilla ushtarake, që po i kushtojnë shtrenjtë Kremlinit që numëron mbi 200 mijë ushtarë të vrarë nga fillimi i pushtimit rus.

Në anën tjetër, luftimet e ashpra në Bakhmut po vazhdojnë, që po konsiderohet si pika më e nxehtë e kësaj lufte. Deri më tani të dyja palët kanë regjistruar humbje si në njerëz ashtu dhe në makineri luftarake.

Megjithatë, ukrainasit janë zotuar se kurrë nuk do të lejojnë rusët që të marrin kontrollin mbi këtë qytet, që po konsiderohet me rëndësi të madhe strategjike. 

Macron nuk ka gjasa të bëjë përparim në mes të përplasjes së tensionuar të Kinës me SHBA

Presidenti Emmanuel Macron është vetëm i fundit në një varg liderësh që kanë ardhur në Pekin javët e fundit, përcjell Bota sot.

Në të vërtetë, në katër apo më shumë muaj që kur u hoqën këtu rregullat strikte zero të COVID-it, Kina e Xi Jinping ka qenë në një valë diplomacie.

Z. Macron, si shumë para tij, vjen pjesërisht me axhendën e vendit të tij në mendje; lidhjet tregtare dhe ekonomike për shembull. Por ai gjithashtu shpreson se mund të ushtrojë njëfarë ndikimi mbi çështjet më të gjera gjeopolitike, tensionet mbi ishullin e Tajvanit dhe veçanërisht pozicionin e Kinës për luftën në Ukrainë.

Në të parën ai mund të ketë njëfarë suksesi, në të vërtetë Kina absolutisht ende dëshiron vendet evropiane si partnerë të fortë tregtarë, jo vetëm për arsye rritjeje, por edhe sepse e di se lidhjet e thella ekonomike do ta bëjnë më të vështirë për vendet perëndimore ta kritikojnë atë.

Kjo mund të ndihet veçanërisht e rëndësishme tani pasi shefja e BE-së Ursula von der Leyen ka paralajmëruar kohët e fundit Evropa duhet të "çrreskojë" marrëdhëniet e saj me Pekinin.

Por në pikën e dytë gjeopolitike, zoti Macron ka shumë pak gjasa të arrijë në ndonjë lloj përparimi.

Kina ka refuzuar të dënojë luftën në Ukrainë dhe presidenti Xi sapo është kthyer nga një vizitë shtetërore treditore në Moskë, ku përsëriti miqësinë e tij të ngushtë me Putinin.

Kina po e paraqet veten si një paqebërëse neutrale, por ka shumë arsye për të mos dashur të shohë një Rusi të mposhtur të dobësuar. Jo më pak pasi Rusia shërben si një aleat me të njëjtin mendim në përplasjen gjithnjë e më të tensionuar të Kinës me Shtetet e Bashkuara.

Presidenti Xi do të sigurohet absolutisht se ai është parë se po dëgjon me kujdes shqetësimet e Evropës, por pa dyshim, ai nuk do të bëjë apo të thotë asgjë nëse përfundimisht nuk i sjell dobi Kinës, dhe tani status quo-ja i përshtatet atij shumë mirë.

Ukraina është e gatshme të diskutojë të ardhmen e Krimesë nëse forcat e saj arrijnë kufirin

Ukraina ka bërë atë që Financial Times e quan "deklarata e saj më e qartë e interesit të Ukrainës në negociata" që nga ndërprerja e bisedimeve të paqes vitin e kaluar në prill, duke thënë se është e gatshme të diskutojë të ardhmen e Krimesë, përcjeëë Bota sot.

Në një intervistë me Financial Times, Andriy Sybiha, nënkryetari i zyrës së Zelenskiy, tha: "Nëse do të arrijmë të arrijmë qëllimet tona strategjike në fushën e betejës dhe kur të jemi në kufirin administrativ me Krimenë, ne jemi gati të hapim [një ] faqe diplomatike për të diskutuar këtë çështje”, duke shtuar, “Nuk do të thotë se ne përjashtojmë rrugën e çlirimit [të Krimesë] nga ushtria jonë”.

Vërejtjet e Sybihas mund të lehtësojnë zyrtarët perëndimorë që janë skeptikë në lidhje me aftësinë e Ukrainës për të rimarrë gadishullin dhe shqetësohen se çdo përpjekje për ta bërë këtë ushtarakisht mund ta çojë Presidentin Vladimir Putin në përshkallëzimin e luftës së tij, ndoshta me armë bërthamore.

Deri më sot, Zelenskiy ka përjashtuar bisedimet e paqes derisa forcat ruse të largohen nga e gjithë Ukraina, përfshirë Krimenë. Sybiha është një diplomat veteran që fokusohet në politikën e jashtme në zyrën e presidentit dhe ka qenë në krah të Zelenskyy në momentet kyçe të luftës. Ai tha se presidenti dhe ndihmësit e tij tani po flisnin në mënyrë specifike për Krimenë, pasi ushtria e Ukrainës po i afrohet më shumë nisjes së kundërofensive për të rimarrë territorin.

comment Për komente lëvizni më poshtë
Sot mund të lexoni Shfletoni kopertinat