Punëtorët e huaj në sektorin privat në Kuvajt së shpejti do të duhet të marrin një leje zyrtare daljeje nga shefat e tyre të regjistruar përpara se të udhëtojnë jashtë vendit.
Masa e re, e cila hyn në fuqi në fillim më 1 korrik 2025 është pjesë e një përpjekjeje për të forcuar mbikëqyrjen e lëvizshmërisë së punëtorëve të huaj dhe për të mbrojtur të drejtat si të punëtorëve ashtu edhe të punëdhënësve, sipas Arab Times.
Vendimi u formalizua në një qarkore ministrore të lëshuar nga zëvendëskryeministri i parë dhe ministri i Brendshëm Sheikh Fahad Al-Yousef.
Direktiva kërkon që të gjithë punëtorët e huaj të marrin një leje daljeje përpara se të largohen nga vendi.
Administrata Publike për Fuqinë Punëtore ka konfirmuar se zbatimi i kësaj rregulloreje do të kërkojë që leja e daljes të përmbajë të dhënat personale të punëtorit, datën e udhëtimit dhe mënyrën e transportit.
Leja e plotësuar duhet të dorëzohet në mënyrë elektronike përmes një platforme specifike, aplikacioni SAHEL ose faqja e internetit e Administratës Publike të Fuqisë Punëtore, për të përshpejtuar përpunimin dhe për të ruajtur saktësinë.
Autoritetet theksojnë se sistemi i ri është hartuar për të siguruar që largimet të kryhen ligjërisht, të mbrojë të gjithë të përfshirët dhe të zvogëlojë rastet e punëtorëve që largohen pa njoftim të duhur, raporton kp.