Goditjet izraelite në Gaza kanë vrarë të paktën 21 palestinezë, shumica gra dhe fëmijë, deri në mesditë të mërkurën, sipas zyrtarëve të spitalit. Izraeli premtoi të vazhdojë goditjet, duke thënë se po përgjigjej ndaj një sulmi militant ndaj ushtarëve izraelitë që plagosi rëndë një prej tyre.
Në mesin e palestinezëve të vrarë ishin pesë fëmijë, përfshirë një foshnjë 5-mujore dhe një tjetër vetëm 10 ditëshe; shtatë gra; dhe një paramedik, thanë zyrtarët e spitalit. Associated Press raporton se ata janë palestinezët e fundit që kanë humbur jetën në Gaza që nga hyrja në fuqi e marrëveshjes së armëpushimit më 10 tetor 2025, e cila është shoqëruar me goditje vdekjeprurëse izraelite.
Rritja e numrit të vdekjeve palestineze ka tronditur armëpushimin i mbështetur nga SHBA-ja dhe ka bërë që palestinezët në shirit të thonë se nuk duket sikur lufta ka përfunduar.
“Lufta gjenocidiale kundër popullit tonë në Rripin e Gazës vazhdon”, tha Mohamed Abu Selmiya, drejtori i Spitalit Shifa në Gaza City, në një postim në Facebook. “Ku është armëpushimi? Ku janë ndërmjetësit?”