Befason 5 herë kampioni olimpik: Një trajner ka abuzuar me mua

Çiklizëm

Befason 5 herë kampioni olimpik: Një trajner ka abuzuar me mua

Më: 19 prill 2022 Në ora: 13:51
Befason 5 herë kampioni olimpik: Një trajner ka abuzuar me mua

Çiklisti britanik Bradley Wiggins, fitues i Turit të Francës në vitin 2012 dhe 5 herë fitues i medaljes së artë në Lojërat Olimpike, ka rrëfyer për mediat se është abuzuar seksualisht nga një trajner kur ishte 13 vjeç. Wiggins e bëri publik këtë fakt gjatë një interviste për “Men’s Health UK”.

“Jam dhunuar nga një trajner kur isha ende fëmijë.

Një ngjarje që nuk e kam pranuar kurrë shpirtërisht, por që ka patur një impakt të fortë tek unë edhe kur isha i rritur.

Jam përpjekur në gjithë këto vite që ta varros përgjithnjë këtë ngjarje”, u shpreh Wiggins, tashmë 41 vjeç dhe i tërhequr nga sporti.

Çiklisti tha se të tregojë një ngjarje të tillë në familje asokohe ishte e pamundur, pasi ishte rritur nga njerku që nuk e donte. Ndaj, sporti i çiklizmit ka qenë një rrugëdalje për të.

“Njerku im ka qenë agresiv me mua, ndaj u mbylla në vetvete. Kam qenë një adoleshent i çuditshëm dhe biçikleta ka qenë një shpëtim për mua”, tha Wiggins.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat