Përfitimet shëndetësore që marrin fëmijët nga produktet e grurit - Bota Sot
Përfitimet shëndetësore që marrin fëmijët nga produktet e grurit

Këshilla mjekësore

Përfitimet shëndetësore që marrin fëmijët nga produktet e grurit

Më: 27 maj 2019 Në ora: 21:00
Ilustrim

A jeni konfuze për ushqimet e ngurta që duhet t’i jepni fëmijës tuaj? Me siguri ju rastis që të ndesheni me burime të ndryshme që ju bëjnë të shqetësoheni për futjen e ndonjë ushqim të ri në menunë e fëmijës tuaj. Gruri është një nga ushqimet që diskutohet shpesh. Gruri, i cili është një nga ushqimet më alergjike, sugjerohet gjithmonë që të futet tek menuja e fëmijës me kujdes dhe në moshën e duhur.

Por, para se të filloni t’i jepni produkte me grurë fëmijës suaj, le të shqyrtojmë rëndësinë e tij për shëndetin e të voglit.

Përfitimet shëndetësore të grurit për foshnjat:

Gruri është drithi më i popullarizuar në mbarë botën. Është madje i dobishëm për fëmijën tuaj. Këtu janë disa nga dobitë e grurit:

Burimi më i mirë i karbohidrateve. Arsyeja që produktet e grurit konsumohen në sasi të mëdha është sepse gruri është një burim i pasur i karbohidrateve. Karbohidratet përdoren për të gjeneruar energjinë që na nevojitet për kryerjen e çdo aktiviteti fizik ose mendor. Edhe një i vogël ka nevojë për energji për të kryer aktivitetet e tij të përditshme.

Përmirëson tretjen. Tretja e duhur është e dobishme për shëndetin e fëmijës tuaj. Kur sistemi i tretjes nuk funksionon si duhet, kjo sjell sëmundje të tjera. Gruri është lehtësisht i tretshëm. Gjithashtu, i mban zorrët të shëndetshme dhe zvogëlon mundësitë për fryrje.

I pasur me vitamina dhe minerale. Gruri është një burim i mirë i vitaminës B dhe mineraleve të tjera që janë esenciale për zhvillimin e përgjithshëm të trupit. Gjithashtu përmban klorofil që ndihmon në pastrimin e gjakut. Vitaminat dhe mineralet gjithashtu ndihmojnë në zhvillimin mendor.

Përmirëson shëndetin oral. Ushqimi i bërë nga gruri kërkon përtypje të mirë që ndihmon në mënyrë indirekte në përmirësimin e shëndetit oral. Ndihmon në përmirësimin e qarkullimit të gjakut në mishrat e dhëmbëve. Gjithashtu parandalon dëmtimin e dhëmbëve.

Kur duhet të filloni t’ia jepni ushqimet e grurit fëmijës?

Siç u përmend më lart, ka mendime të ndryshme rreth kohës se kur mund të futni grurin për të vegjlit tuaj. Disa ekspertë rekomandojnë që ju të mund të filloni produktet e grurit kur fëmija të mbushë 6 muajsh. Ndërsa disa të tjerë këshillojnë të prisni të paktën 1-2 vjet para se ta ushqeni fëmijën me ndonjë recetë me bazë gruri.

Mbani mend se është e domosdoshme që të konsultoheni me mjekun tuaj përpara se të fusni grurin në dietën e fëmijës tuaj, sepse ai di më shumë për shëndetin e fëmijës suaj.

Gjërat që duhet të merren parasysh:

Meqë gruri konsiderohet si një ndër ushqimet që mund të shkaktojë alergji, duhet të kini kujdes para se të ushqeni foshnjat me produktet e tij.

Zgjidhni një recetë të thjeshtë të një produkti me bazë gruri. Pasi të konsultoheni me mjekun tuaj kur të futni grurin tek dieta e fëmijës tuaj, është e nevojshme që të zgjidhni receta të thjeshta.

Shmangni miellin e grurit. Futja e grurit në dietën e bebit është e mirë, por duhet mbajtur larg mielli i grurit pasi mund të jetë shkak për alergjinë nga gruri.

Nëse fëmija juaj ka shenja të astmës vonohuni në futjen e grurit në dietën e fëmijës. Nëse mendoni se fëmija juaj po tregon shenja ose simptoma të problemeve të frymëmarrjes ose astmës, këshillohet që të vononi ose të shmangni dhënien e grurit për fëmijën tuaj. Mjeku juaj mund të sugjerojë dieta të tjera më pak të rrezikshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...