​Dy të plagosur në Bardhosh të Prishtinës

Kronikë e zezë

​Dy të plagosur në Bardhosh të Prishtinës

Më: 1 dhjetor 2021 Në ora: 16:17
Foto ilustrim

(E plotësuar 17:30) - Dy persona janë plagosur sot në Bardhosh të Prishtinës, kur ndaj tyre kanë shtënë me armë zjarri persona ende të panjohur për policinë.

Lajmin e ka konfirmuar Agron Borovci, zëdhënës i Policisë së Kosovës, i cili ka bërë të ditur se incidenti ka ndodhur rreth orës 15:30.

“Policia ka dalë në vendin e ngjarjes dhe mbështetur në të dhënat e para, janë ngritur dyshimet se dy persona janë plagosur me armë zjarri nga persona aktualisht të panjohur”, ka thënë Borovci.

Personat e plagosur janë dërguar në QKUK për të marrë trajtimin e nevojshëm mjekësor, hetuesit policorë kanë nisur një hetim me qëllim të sqarimit të të gjitha rrethanave që karakterizojnë rastin si dhe identifikimin e të dyshuarve të mundshëm.

***

Të shtëna me armë zjarri ka pasur para pak minutash në fshatin Bardhosh të Prishtinës.

Sipas informatave të para nga vendi i ngjarjes dyshohet për të plagosur.

Media mëson se Policia tashmë ka dalë në vendin e ngjarjes.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat