Një muaj paraburgim për të dyshuarin që u kap me mbi 5 kg marihuanë në Llabjan

Kronikë e zezë

Një muaj paraburgim për të dyshuarin që u kap me mbi 5 kg marihuanë në Llabjan

Më: 18 janar 2022 Në ora: 10:59
Ilustrim

Gjykata Themelore në Gjilan i ka caktuar 30 ditë paraburgim R.B i cili dyshohet për “posedim të substancave narkotike”.

Mëngjesin e së dielës R.B bashkë me një person tjetër janë ndaluar nga policia në fshatin Llabjan, e që dyshohet se po transportonin marihuanë. Mirëpo të dy kishin ikur, por policia kishte arritur ta arrestonte R,B por jo edhe personin i cili ishte bashkë me të. Ai vazhdon të jetë ende në arrati.

Me këtë rast policia ka gjetur dhe konfiskuar 5 kg e 185 gram marihuanë dhe 925 euro.

“Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 (tridhjetë) ditë të pandehurit R. B. Ekziston dyshimi i bazuar se me datë 16.01.2022, rreth orës 08:00 minuta, në fshatin Llabjan të Komunës së Novobërdës, i pandehuri së bashku me të dyshuarin N. N., pa autorizim kanë transportuar substancë narkotike të llojit marihuanë. Të njëjtit nuk i binden urdhrave të patrullës policore dhe ikin me shpejtësi, ashtu që gjatë ndjekjes së veturës nga ana e zyrtarëve policor, arrijnë të ndalojnë veturën dhe të arrestojnë të pandehurin R. B., ndërsa i dyshuari N. N. arrit të largohet nga vendi, por gjatë ndjekjes i njëjti e hedh çantën me substancë narkotike, duke ikur në drejtim të panjohur”, thuhet në komunikatën e Gjykatës Themelore në Gjilan.

Me këtë rast janë gjetur dhe konfiskuar 5 kg e 185 gram marihuanë dhe një shumë të hollave 925 Euro.

Në komunikatë thuhet edhe se “Me këto veprime, i pandehuri dyshohet se ka kryer veprën penale blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge, vepër e sanksionuar me Kodin Penal të Republikës së Kosovës (KPRK), ndërsa i dyshuari N. N. vazhdon të jetë në arrati. Andaj, sipas vlerësimit të gjyqtarit të procedurës paraprake në Departamentin e Krimeve të Rënda, qëndrojnë arsyet ligjore për caktimin e paraburgimit ndaj të pandehurit të lartcekur, pasi që po të gjendet në liri mund të i ikë ndjekjes penale”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat