Të enjten rreth orës 21:45, në Fushë Kosovë, policia ka arrestuar dy persona të dyshuar, me ç’ rast ka gjetur dhe sekuestruar një sasi të konsiderueshme të substancës narkotike që dyshohet të jetë e llojit kanabis (marihuana) si dhe dy thika.
Të dyshuarit, A. S, mashkull, 24 vjeç, shtetas i Republikës së Kosovës, si dhe G. R, mashkull, 23 vjeç, shtetas i Republikës së Kosovës janë dërguar në qendrën e mbajtjes prej 48 orësh.
Ndaj tyre është iniciuar hetim për veprat penale “Mbajtje në pronësi kontroll ose posedim të pa autorizuar të armës” si dhe “Posedim të paautorizuar të substancave narkotike, psikotrope ose analoge”.
Njoftimi i plotë:
Prishtinë, 07 tetor 2022 – Policia e rajonit të Prishtinës në kuadër të punës së saj për parandalimin e veprimtarive kriminale që po i sjellin dëme shoqërisë, ka intensifikuar veprimet e saja në drejtim të identifikimit dhe kapjes së personave që janë përfshirë në raste kriminale.
Kësisoj, më datë 06.10.2022 rreth orës 21:45, në Fushë Kosovë, policia duke u mbështetur mbi bazën e dyshimit të arsyeshëm, ka arrestuar dy persona të dyshuar, me ç’ rast ka gjetur dhe sekuestruar një sasi të konsiderueshme të substancës narkotike që dyshohet të jetë e llojit kanabis (marihuana) si dhe dy thika.
Të dyshuarit;
A. S, mashkull, 24 vjeç, shtetas i Republikës së Kosovës, si dhe
G. R, mashkull, 23 vjeç, shtetas i Republikës së Kosovës,
me aktvendim mbi ndalimin e personit të dyshuar të nxjerrë nga ana e prokurorit të shtetit, janë dërguar në qendrën e mbajtjes prej 48 orësh, dhe ndaj tyre është iniciuar hetim për veprat penale “Mbajtje në pronësi kontroll ose posedim të pa autorizuar të armës” si dhe “Posedim të paautorizuar të substancave narkotike, psikotrope ose analoge”.
