Tre persona janë therur me thikë pas një zënke.
Ngjarja ka ndodhur në orët e para të ditës së sotme në Podujevë.
Dy nga të lënduarit për shkak të lëndimeve janë përcjellur për trajtim në QKUK në Prishtinë.
Kjo u konfirmua nga doktori Naser Syla, drejtor i Qendres Emergjente.
“Kanë qenë dy persona të lënduar me mjet të mprehtë. Një nga ta pas trajtimit të marrë në QE është liruar në shtëpi, kurse tjetri po e vazhdon trajtimin në Klinikën Torakale”, deklaroi Syla.
Nuk dihet ende se si ka ndodhur apo arsyet e rastit.
Klankosova.tv, ka kontaktuar me policinë për të marrë ndonjë informacion, por deri në momentin e publikimit të lajmit nuk ka pranuar ndonjë përgjigje.
