Tri raste të dhunës në familje brenda një dite në Gjakovë dhe Rahovec

Kronikë

Tri raste të dhunës në familje brenda një dite në Gjakovë dhe Rahovec

Nga: Bota sot Më: 8 qershor 2026 Në ora: 09:34
Ilustrim

Policia e Kosovës ka raportuar tri raste të dhunës në familje gjatë 7 qershorit në komunat e Gjakovës dhe Rahovecit.

Në rastin e parë, që ka ndodhur në Gjakovë rreth orës 06:00, është arrestuar një i dyshuar, i cili sipas policisë dyshohet se nën ndikimin e alkoolit ka ushtruar dhunë ndaj viktimave. Pas intervistimit, me vendim të prokurorit, ai është liruar në procedurë të rregullt.

Ndërkaq, në një rast tjetër në Gjakovë, rreth orës 20:30, një person dyshohet se ka kryer dhunë në familje ndaj viktimave kosovare. I dyshuari aktualisht ndodhet në kërkim policor dhe rasti është duke u hetuar.

Po ashtu, në Rahovec, rreth orës 23:30, është raportuar një rast i dhunës në familje, ku një mashkull kosovar dyshohet se ka ushtruar dhunë ndaj një femre kosovare.

Me urdhër të prokurorit, rasti vazhdon të trajtohet në procedurë të rregullt dhe i dyshuari mbrohet në liri.

comment Për komente lëvizni më poshtë
Më të lexuarat
Sot mund të lexoni Shfletoni kopertinat